|
والله انه حيرني اضرب ناقه مجسر قبلها بعشر دقايق ومن يوم شافها مطرفه عن البل كرفها لين بركها بالقوه حتى انه جرحها بانيبه جروح شديده واضربها ثم كرفها مره ثانيه واضربها ويالله افتكينها منه وعقب اضرابه طرفة عن البل وتطيرة واشوفها ماهي بشوفتها الأوله |
اقتباس:
أخي حتى لو أفترضنا أن الفحل جاهل ويضرب سطر .... الناقة لا يمكن ترغـــــــــــــــــــــي |
اقتباس:
أخي نواف حتى نستفيد ياليت توضح الطريقة بالتفصيل وهل تحتاج طبيب بيطري ولا بدون وشكراً لك |
الاخ / عطالله سلام من الله عليك وعلى الاخوان الموضوع ذوو شقين : 1-ممكن ان البعير مقرع من الضراب السنه الي طافت او كان عنده نوقات بسيطه ولذلك يضرب حتى المعاشير خاصه الي فاول عشارها. 2-ممكن الناقه معشش وفيها وصخ وتشوول على طول وتوزر . )))))) والحل يا عزيزي تعرضها على فحول اخرى وانا افضل انك تعرضها على الفحل الي هي معشر عليه ويتبين لك عشارها من غيره . ))))) واقرب الظن والله اعلم ناقتك معشر ولا ما كان رغت على البعير . وما شالله يا عطالله وش البعير الي هايج الحين انت من هل الجنوب ؟؟؟؟ او البعير كافووت ما تهيا كفته ولا تعتمد عليه في اخذ القرار لان همته زايده |
الأخوه اشكركم على مشارتكم وحياك الله اخوي ذيب بن علي وانا من اهل تبوك والفحول الطيبه عندنا اضربوها من اول سهيل وابشرك اضربنا تقريبا نصف البل والفحل انا شاريه بالصيف وهذا اولا اضراب له عندي والله اني شكيت في وضع البعير وادخلت عليه امس ناقه لقحه (متلي) وهو بالقيد والمدور قلت ابا اختبره وبغا يعضها ويطرحها ورديته عنها والفحل سنه رباع بس اتوقع انه مهدود في بل قليله او ماهد العام الله اعلم |
اقتباس:
السلام عليكم السلام على الجميع ورحمة الله وبركاته أخوي بعض الفحول إذا أبطت من الظراب ما توفر شي من البل حيل ولا لقاح وهذا حدث عند بعض الأخوان أما عن رغي الناقة أنا أقول لك رغي الناقة ليس بدليل على عدم القاح وهذا من واقع تجربة وليس مجرد كلام. أما شوري عليك خل الدكتور يعس لك رحم الناقة عن طريق ........... أكرمكم الله و يعطيك إن شاء الله تعالى العلم إلي إن شاء الله يسر خاطرك. أخوك / أبو عبداللطيف |
مرحبا اخوي عبالرحمن فعلا الرغى ماهو دليل على عدم لقاح |
القحه في الوضع الطبيعي ماترغي بس اذا شليتها بالونش او نوبها البعير مثلا لا بللله تررررررررررغي |
اقتباس:
|
اقتباس:
لو افترضنا ان الناقة لقحة وعس رحمها الدكتور هل فيه ضرر على ولدها الي بطنها |
الاخ عطاالله السلام عليكم ورحمة الله وبركاته يبدو ان الجميع ادلى بدلوه في هذا الموضوع واحب ان اللخص لك الحاله والحل : اولا ) انت لم تذكر لنا عمر اللقاح اي الناقه لقحه بكم شهر تقريبا؟ فان كانت من فوق الشهر السادس فالقاح يكون بين وظاهر في شكل المطيه ولا يحتاج لخبير في ذلك ثانيا ) الناقه المعشر ما يقربها اي بعير سواء قعود والا هرش وانما في بعض الحالات تجد بعض النياق يبرك للبعير طوعا وليس اكراها يعني ما يبركها البعير هي تبرك له ويضربها ولا ترغي وهذا لا يؤثر على لقاحها ثالثا ) الناقه اللي شايله بعش تجدها تشاول وتوزر ولكنها تنحاش من البعير وترغي في الغالب ولو ان الرغي ليس دليل كافي رابعا ) بالامكان ان تعرف اذا الناقه لقحه ام لا من بعض المؤشرات الخارجيه في جسم الناقه : - الناقه المعشر جلدها مرتخي بينما الحايل مشدود - الناقه المعشر تكون مقارديه و هديه وليست شرود كا الحايل - من عين الناقه (النظرات والبريق) تعرف اذا معشر والا لا وهذه تعرفها بالممارسه - وبرة الناقه الحايل تختلف عن اللقحه حيث الحايل وبرتها اكثر نظارة وبريق - سنام الحايل وتركيبة الشحوم يختلف عن اللقحه حيث الشحوم في الحايل تبداء بالنزول على الاجناب مع الوقت خامسا ) لقطع الشك باليقين بامكان البيطري او حتى انت ان تعرف اذا الناقه في بطنها حوار والا لا والطريقه تم ذكرها فيما سبق وهي ادخال اليد حتى الكوع في مدمن الناقه والتحسس براحة اليد بهدوء الى الاسفل فان كان هناك حوار سوف تلمسه بيدك وهو عادتا مايكون اعضائه الصلبه وهذه طريقة امنه ولا تصعد بالناقه ولكن عليك بالرفق وعدم الاستعجال او عسر الناقه سادسا ) ان كان هناك حوار فالحمد لله وان لم يكن هناك شيء فطريقة التنظيف هي كا التالي : - تنظيف عنق الرحم عن طريق ادخال اليد في حياء الناقه واخراج جميع ما بها من اوساخ - غسيل عنق الرحم بمحلول ملح فسيولوجي تجده بالصيدليه مرتين على الاقل - بعد ذلك اعطائها كورس مضاد حيوي لمدة اربع ايام لتطهير منطقة عنق الرحم وافضل ما استخدمت شخصيا هو نوع اسمه (جنتابريم) فهو فعال وبقوه للمنطقه التناسليه سابعا ) انتظر بعد ذلك لين تيسر الناقه واضربها والله الرزاق وتقبلوا تحياتي |
اقتباس:
|
- ا ومن عين الناقه (النظرات والبريق) تعرف اذا معشر والا لا تعرفها بالممارسه الاخ الغالي ابوعبدالعزيز شرح وافي وكافي وبيض الله وجهك ناتجه عن خبره واحتكاك لكن شدني هذي الفقرة من كلامك من عين الناقه اذا فيه توضيح اكثر فلا تبخل علينا واشكرك ,,,,, |
اقتباس:
|
اقتباس:
|
| الساعة الآن 37 : 11 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |