مساكم الله بالخير الجميع

صحيح إن البدو تكره إن الفحل يظرب بناته بس عندي واحد من الجماعه عنده ذود ولاد من أربعين سنه حوالي وعنده هرش عمره( ثنين وعشرين سنة فقط لاغير ) وهو يظرب بنات بنات بناتة إلخ-------------------------
والعجيب إن فيهن طول وسند وظهور لكن وجيههن دون مثل أبوهن والعام الماضي بس اللي طاعنه وباع الهرش وهد بعير من بره مراحة ---------------------------------------------------------------------------------------

موضوع مفيد ولاهنت
على كلام الاولين انها
قليل الي يطلع زين

البدو وكبار السن خاصه يكرهون هد البعير في بناته


ويذكر لي الوالد ان فيه قعود مفحلينه في اماته

وكانت ام القعود ميسر وبركت اول ما شافته اقبل ولكن سبحان الله بعد ما اقبل عليه وهو يهدر وعرفها بالطبع بعد ان شم رائحتها ( رغا ) مثل ماترغي الحشوان


انا عن نفسي اكره هذا الشي ولله الحمد واستغرب في من يفعل مثل هذا ، لذاك كل عامين احاول ادور للركاب حتى لا تكون جميعها على بعير واحد لتحسين انتاجها


وبخصوص كيف يقولون تلاد !!؟؟

اعتقد من وجهة نظري وقد اكون مخطأ ،، انها تلاد عند راعيها يعني جميعها ولوده عنده وانها غير شرايها من السوق مثال : من يشتري 40 ناقه لا يستطيع ان يقول انها تلاد

ولكن من يرث او يكون عنده من زمن بعيد ابل فأنها تلاد عنده مهما اختلف البعير

وان كنت مخطأ فصححوا لي

السلام عليكم ورحمة الله وبركاته

موضوع ممتاز جداً واشكر صاحب الموضوع على هذه المشاركه الطيبه واما بالنسبه للضراب البعير لبناته
يدمر الابل ولا يعمرها وقليل انه يجي البعير يجي انتاجه طيب من بناته ولو جاء طيب انتاجه من بنته سوا كانت بكره او قعود في المستقبل يكون انتاجهم دمار ومايفيد صاحبه وانا شفت عند ناس هد البعير في بناته وجاء فيه تعويق في الابل وبعضه سلم وبعضه تعوق وفيه ناس ماصار شي ولاكن بعدين بالمستقبل يجي انتاج بنت بنته من بنته يكون انتاجهم دمار يعني اعدم الاصل والتاصيل للابل وافضل شي ان يهد القعود في اخواته يجي افضل شي ولاكن بمراعه الصفات الي امهات اخوات القعود والشي الثاني لازم يكون فيها مواصفات الناقه المنتجه يعني رقبه سناد ورقبه طويله وسناد ويكون الراس متوجه والوجه مقبول وماتكون الارقاب عنج يعني ماتكون ارقابها دمار او فيها خرعه بالارض او نزول بالرقبه بالارض او متعوجه ويكون ضهرها طيب وعمرها زين انا اقول ابشر بهذه المواصفات اذا هديت فيها اخوهم بيجي انتاج ذهب اذا كان اصلهم طيب ومن ساس طيب وهذا افضل شي وشفته كثير مع الناس من اهل البدو من اول والان في الوقت الحالي

تمنياتي للجميع بالتوفيق

معروف تطوير الجينات اذا رديت البنت على الاب

في جميع الحيوانات تكرمون

وعن تجربه في نوع من الحيوانات نتائج عاليه

اذا الاب طيب توكل على الله

~.~ لا هنت وسلمت يمينك ~.~

الأخ محمد المشعان وجميع الأخوة المتداخلين

بالنسبة لضراب البعير لبناته بالتأكيد يقلل من جودة الانتاج ولا يزيدها بشيء

وعندنا بعير ضرب بناته وبعضا منها جاء مشوّه

بعكس اذا هديت ولد البعير في خواته يكون أفضل بكثير

وبالنسبة للبعير اذا ضرب أمه فقد سأل مشايخ دين عن ذلك وقالوا

أن صاحب الابل يجب أن لا يجبر البعير على أمه

واذا هو طرحها من كيفه ما فيها شيء ان شاء الله ولكن لا يجبر على ذلك

هاذي ما لدي من واقع خبرة

أخوكم

اخوي هذي بهيمه ماله دخل في الشرع .
الشرع يخص الجن والأنس .
بخصوص البعير اذا اضرب بنته انتاجه مايجي طيب لاكن اذا اضرب غيرهن عاد ان كانه فحل بينطل ابلن طيبه واطيب انتاجه يبين في خواته

سبحان الله

جزاكم الله خير على هالمناقشات المفيده

بارك الله فيكم

الموضوع شيق ومغري للنقاش
من المعلوم ان الصفات الوراثية سوف تتردد بشكل كبير للفحل وبنته


يعني ان البكرة سوف تكبر وتتأصل صفاتها الأساسية


ويقوى عمق الناقة وسرها

بحيث تغلب هذه الناقة البعير اللي يبا يظربها وهذا غالبا وليس دائما


وكلمة تلاد انها متوالده عنده اي بنات بعض

اشكرالأخ محمد المشعان وجميع الأخوة المتداخلين

بالنسبة لضراب البعير لبناته بالتأكيد يقلل من جودة الانتاج ولا يزيدها بشيء

لان الجينات الوراثيه لها دور في تحديد النسل وكل ماقرب الجينات لبعضها كل مازات نسبه التشوه فيها


وعندنا بعير ضرب احد بناته وانتج منها حوار مشوه وكان تشويه انه احد خفافه كان له ثلاثه اناسيم ومات بعد فتره بسيطه من ولاته

بارك الله بالجميع ونشكركم على المداخله والنقاش ولكن نطمح للمزيد من اهل الابل والخبره والطب البيطري لان الموضوع يهم الجميع والفائده ستعم باذن الله شكرا

ماعندي زياده على ما قاله الاخوان واوافقهم انه غير مرغوب عند هل البل
من اغرب ما رايت بعير عند واحد بقمي من جيراننا ما يضرب بناته نهائيا ويضرب اي ناقه من برا - سبحان الله

مافيها اي شيء بالعكس يمكن يكون اطيب انتاجه............