قعود اوضح وابي منكم الراي

[فالح فلاح]

السلام عليكم ورحمة الله وبركاته

مساكم الله بالخير واسعد الله اوقاتكم بكل خير ان شاء الله

هذا قعود سنه على مااعتقد جذع جاني العام واللي جابه لايعرف سنه تماماً ويقول انه على بعير الامير سلطان بن عبدالعزيز
اللي خذه او اشتراه من فنجال الشيباني ويقال انه رمان اللي اخذ جائزه نوفا قبل عشر اعوام طبعاً يوم كان بملك فنجال
وبعد ان اخذة الامير سلطان جلس مع ابله حتى مرض قبل سنتين تقريبأً وارسلوه لمستشفى الاحساء ومات هناك
ولكن اللى جابه يقول انه شاريه من دوسري وهذا الوسم حق راعيه

حبيت اسئلكم رايكم فيه..؟

وهل تظنون انه بيلقح ذا الزمان ولالا ..؟

والوسم الي عليه منهوله..؟

هذي الصور..امامكم



http://alajman.net/up/uploads/1f347a56e9.jpg


http://alajman.net/up/uploads/e6ebf00062.jpg


http://alajman.net/up/uploads/85ec990c29.jpg


http://alajman.net/up/uploads/9a1a9766d7.jpg


http://alajman.net/up/uploads/63226cd5b6.jpg


وهذي الصوره قبل ست شهور تقريباً

[بدر الذيابي]

ماشاء الله تبارك الله

البعير انشاء الله يلقح هالسنه

الاخوان اللي عندهم خبر يفيدونك عن الوسم

[عبدالعزيزالعنزي]

ماشاء الله تبارك الرحمن

[بندر مطر البقمى]

القعود مبروك ان شاءالله
فيه قصر العظم
وفيه عرنونه عادي ومشاربه رديه
اما الضراب بعون الله بيضرب وان كانك عجل سبح
القعود كل ليل ولا تقيده خله طلق مع امهاته

[راشد محمد المنصوري]

الله يربح البايع والشاري

[ظافر تميم الدوسري]

القعود لاباس فيه
وبالنسبة للوسم اللي على العرنون هي رثمة الهوامله الدواسر واضن هوامل مطير يحطونة اما ذا اللي على الخدة اول مرة اشوفة

[عبدالله المطيري]

السلام عليكم

أما وسم الخد ما اعتقد بدوي ياسم مثل الوسم هذا

[عبدالله بن ذيب العتيبي]

القعود انشاء الله مبروك

اما الوسم فظاهر انه تابع لمصرف الراجحي


















لا تزعل اخوي ترا ء حبينا نمازحك

[فالح فلاح]

يعطيكم العافيه جميعاً

وبيض الله وجيهكم

وبيجيب الله احد يعرف الوسم

[مبارك المري]

ارررحب والقعود اشوف وحسب رأيي الشخصي انه طيب

وبالنسبة للقاح فان شاء الله انه يلقح ولكن ربما متأخر شوي

وتم النقل الى القسم المناسب (الاسئلة والاستشارات )

[عايض بن خجيم]

مرحبا يافالح الله يحييك، القعود طيب ومواصفاته زينه وشكله مغتر 100% وإذا هاج تغير شكله في نظرك للافضل وهذا الوسم اللي عليه وسم واحد من العذبه عنده مغاتير في وادي العجمان وتقبل تحياتي.

[فالح فلاح]

يعطيكم العافيه
يعني اهده فحل
وبعدين الوسم يقولون حق دوسري
انا والله اني ضعت وبي من يقولي 100 / 100

[مبارك المري]

فالح

الوسم اللي على الخد من وسوم آل عذبة من آل مرة

والوسم اللي على العرنين هو الرثام

وفيه احتمالين اما ان يكون البعير عليه وسمين وهو وسم الهوامله ووسم آل عذبة

او ان يكون القعود لآلعذبة والرثام هو شاهد يخص راعي القعود

[خالد العرجاني]

القعود مبروك ان شاءالله

[عايض بن خجيم]

تصحيح يافالح ترا الوسم اللي على القعود حق السكيني من الدواسر وياسمون نفس وسم العذبه بالضبط بس يختلف في الرثمه ، كلام اكيد 100%

[عبدالرحمن عبدالعزيز]

الاخ فالح

القعود ان شاء الله انه مبروك
وما عليك من شكله ان كان ساسه صحيح انه ولد رمان بالرغم من انه مهم ان تعرف شكل امه
اما بخصوص الوسم انت اللحين شريته وخلصت معد عليك من الوسم اللي عليه لانك عارف ابوه حسب ما فهمت منك
كما اود ان افيدك بان رمان مالكه الاول هو عبدالله الفصام وقد باعه مع ابله الوضح واشتراه فنجال وقتها ولم يمضي عنده اكثر من ثلاثة اشهر فقط الى ان ذهبت ملكيته لولي العهد حسب علمي وقد كان فحل منتج حسب ما سمعت ومن اشهر ابنائه :
الزعيم فحل فنجال سابقا
فاهيان فحل محمد الفصام
اما بخصوص السن فا القعود عندك اهم شيء تفكه في البل وتخليه معها كوده يفصخ ولي ضرب ولا عشر عليه شيء وقتها اخبرك ماذا تعطيه لكي تزيد الاخصاب عنده عله ان تعشر البل عليه فامر التلقيح علمه عند ربك

تنويه لبعض الاخوان:
لقد تعدى بعض الاخوان هدانا الله واياهم على وسم الرجال اللي على البعير واعتقد انه من باب احترام الغير الا تكون وسوم الناس مدعاة للسخريه فقد يكون صاحب الوسم احد الاخوان اعضاء المنتدى او حتى من خارج المنتدى فكن محل صاحب الوسم والاخرين يستهزئون به !!! ما شعورك ؟؟؟ ولا سيما بانه ليس بالوسم المعيب شكلا او مضمونا نتمنا الانتباه

وتقبلوا تحياتي

[فالح فلاح]

تصحيح يافالح ترا الوسم اللي على القعود حق السكيني من الدواسر وياسمون نفس وسم العذبه بالضبط بس يختلف في الرثمه ، كلام اكيد 100%



بيض الله وجهك ويعطيك العافيه
واعتقد انك على حرف صواب ولاكن السكيني منهو منه من الدواسر وهل كان وكيل للفصام في الابل

[فالح فلاح]

الاخ فالح

القعود ان شاء الله انه مبروك
وما عليك من شكله ان كان ساسه صحيح انه ولد رمان بالرغم من انه مهم ان تعرف شكل امه
اما بخصوص الوسم انت اللحين شريته وخلصت معد عليك من الوسم اللي عليه لانك عارف ابوه حسب ما فهمت منك
كما اود ان افيدك بان رمان مالكه الاول هو عبدالله الفصام وقد باعه مع ابله الوضح واشتراه فنجال وقتها ولم يمضي عنده اكثر من ثلاثة اشهر فقط الى ان ذهبت ملكيته لولي العهد حسب علمي وقد كان فحل منتج حسب ما سمعت ومن اشهر ابنائه :
الزعيم فحل فنجال سابقا
فاهيان فحل محمد الفصام
اما بخصوص السن فا القعود عندك اهم شيء تفكه في البل وتخليه معها كوده يفصخ ولي ضرب ولا عشر عليه شيء وقتها اخبرك ماذا تعطيه لكي تزيد الاخصاب عنده عله ان تعشر البل عليه فامر التلقيح علمه عند ربك

تنويه لبعض الاخوان:
لقد تعدى بعض الاخوان هدانا الله واياهم على وسم الرجال اللي على البعير واعتقد انه من باب احترام الغير الا تكون وسوم الناس مدعاة للسخريه فقد يكون صاحب الوسم احد الاخوان اعضاء المنتدى او حتى من خارج المنتدى فكن محل صاحب الوسم والاخرين يستهزئون به !!! ما شعورك ؟؟؟ ولا سيما بانه ليس بالوسم المعيب شكلا او مضمونا نتمنا الانتباه

وتقبلوا تحياتي


لاهنت وعزالله ان هذا الكلام الي جاني عن القعود مثل ماتفضلت

واشكرك على كلامك الطيب ودفاعك عن الوسوم يدل على نبل اخلاقك الفاضله يعطيك العافيه

[عايض بن خجيم]

السكيني من الهوااااااااااااااااااااااااااااااااااااامله من الدواسر

[فالح فلاح]

السكيني من الهوااااااااااااااااااااااااااااااااااااامله من الدواسر



لاهنت وبيض الله وجهك
ولا خاب من استشار ولا تاه من نشد

وكثر الله من امثالكم انت والاخوان في المنتدى

[عايد الهاجري]

القعود مبروك ان شاءالله

[فيصل العاطفي]

القعود مبروك ان شاءالله

[فالح فلاح]

يعطيكم العافيه والله لايهينكم
ولا عندي الا حلالكم من بغا يضرب يجي بس اربه يالقح