مانستغني عن شوركم ونضركم ياهل العرف؟

[محمد العنبسي]

السلام عليكم ورحمة الله وبركاته...
الله يتقبل منا ومنكم صالح الاعمال....وكل عام وانتم بخير
عندي قعودين وودي افحل واحد منها وابي رايكم فيها بصراحه؟؟
مع خالص الشكر لكم سلفا......
http://www.alhadafa.com/uploadedfiles/images/947.الازمع

http://www.alhadafa.com/uploadedfiles/images/948.صدام1

[مساعد العتيبي]

يـامرحبــا يالعنبسي


والله ان القعودين حول بعض الاول جرمه زين مير راسه ماهوب زين صغير وراس ناقه


الثاني لاغارب زين ولا رقبة زينة ولا اذاني زينه مير راسه طيب ومهوب الطيب كله


واذا انت ملزم تفحل افحل الاول جرمه وغاربه طيب وهو ماراح يبنتج الا اذا كان من سلالة معروفة زين زين


والله يطرح فيها البركه كلها

[صالح ابراهيم البديوي]

وعليكم السلام ورحمة الله وبركاته
اللهم أمين والناس أجمعين وكل عام وانت بالف خير
اخوي محمد الصور ماطلعت

[راشد المطيوعي]

http://www.mzayan.com/vb/redirector.php?url=http://www.alhadafa.com/uploadedfiles/images/947.الازمع

اخوي هاذا الفحل وانا ارشحه انه بذن الله بيطلع فحل طيب اما الثاني رقبته عوجا وغاربه قصير ولا يصلح فحل وعذرني انت من طلب الراي وهاذا رايه وحياك الله والله يبارك لك في حلالك والعيد عليك مبروك

[حاصل اليامي]

اذا انت امعزم على حداها فهد الاول

[محمد علي الهدفه]

وعليكم السلام ورحمة الله وبركاته
اللهم أمين والناس أجمعين وكل عام وانت بالف خير

الثاني لاغارب زين

[حمد الغواص]

الاخ العزيز حصب مايتضح لي من الصور القعدان متوسطه الزين
والاول اطيب من الثاني
وترا القعدان اللي تهدها اماتها

[بندر مطر البقمى]

انا اقول كان فيه شمس كان من امس
كل القعدان لاتصلح فحول
اللحق عمرك لا ترجي القعدان لين تكبر وتهد
اشتر لك قعود اطيب أو ظرب عند اهل الفحول الطيبه
تراهم كثير والطيبين الي مايردون واجد

[خالد العرجاني]

عندي سؤال هل انت تعرف اصل القعودين هذي
اذا كنت تعرف اصلها فاصبر لين تحققك لاكن انا اشوف الاول ازين والثاني مابان شي يمكن يكون راسة طيب
اعرضة مقطع فيديو لتاكيد بارك الله لنا ولك

[علي ال مرعي]

اذا انت امعزم على حداها فهد الاول

[سلطان الشيباني]

وعليكم السلام ورحمة الله وبركاته

اخوي محمد لاتفحل لا الاول ولا الثاني ولافيهن مواري فحل

وسلامتك

[فهد بن صلبوخ]

الاخ العزيز حصب مايتضح لي من الصور القعدان متوسطه الزين
والاول اطيب من الثاني
وترا القعدان اللي تهدها اماتها

[محمد العنبسي]

بيض الله وجيهكم جميع على مروركم وارائكم
وبحاول انزل لها مقطع فيديو قريبا ...
مع خالص الشكر لكم جميعا.

[عساف السبيعي]

اذا انت امعزم على حداها فهد الاول

والبل تبارك عند راعيها وانت مبروك ان شالله يامحمد

[محمد العنبسي]

الله لايهينك اخوي /عساف على المرور
والله يبارك لنا ولك وللمسلمين في المال والحلال والعيال..

[محمد ابو عدوة]

والله يالعنبسي يحتار الواحد اذ هي متقاربه في الزين بس الاول اغلا بكثير من الثاني كاشكل واذا انت خابرساس ابوة وامه في الزين فحله ترا ه غالي .

[محمد العنبسي]

الله لايهينك يابوعدوه على المرور.
والله يكتب اللي فيه خير لنا وللمسلمين.
وشورك طيب الله يبارك فيك,وفي جميع من علَق على الموضوع.