يالربع من يعرف علة البعير

[خالد الحجي]

أخواني أعضاء منتدى مزاين مساكم الله بالخير
عندي بعير أصبح يكح وكانها أعراض نحاز وتسدح وغالباً لابرك يضغط على وركه من يمين وماعاد ياكل واعطيته علاج النحاز لمدة يومين

لمدة يومين ولكن بعدها لاحظت أن دمنته متغيره صارت نحيفه وطويله وبعضها مدبب وسألت رجال قال انه فيه جرح ( شوكه) وقال أكوي البعير البعير بس لاتستعجل ع
البعير بس لاتستعجل عليه خله ثلاث أيام وراقب البعير في بوله أذا يبول عادي وماعنده مشاكل فهو مافيه جرح الكلوه المهم اليوم شايف البعير
البعير أفضل من ناحية شاهيته ويفلي ولكن يباعد البل مايقربها والبعير بوله طبيعي ومافيه مشاكل
الا انك تشره على ممشى البعير ولا قام من بركته يتمدد فتره ثم يمشي

من عنده علم يفيدنا وهذا كل مالاحظت عليه

[محمد بن حمد القحطاني]

الله يمسيك بالخير



نعم هذي هي الشوكه

وكلها خمسة ايام وتشوفه احسن

.

ولك تحيتي

[خالد العرجاني]

نعم هذي هي الشوكه
مالها الا الكوي بس اذا كويته لا تشيله صار ت عندي ناقة وكويتها
وتعافت بعد يومين وزان حالها وبعد حوالي شهر شلتها بدنا ويوم نزلتها خذت يومين وماتت
ونصيحتي انك اذا كويت الفحل لاتشيله وسلامتك

[فيصل بن مرخان]

انصح عرضه على بيطري قبل الكوي
وفيه علاجات للشوكه

[بدر الذيابي]

هذي الشوكه مافيها كلام


وقد صارت عند ناس كثيرين
لاكن جرب الشاهي اغله زين وخله لين يبرد وغره بقارورة ماء صغير ام ريال وجعلك ماترى مكروه

[خالد عبدالله السبيعي]

أخي هذا المرض اسمه الشوكة


ولا أعرف غير الكوي علاج ( الرقم أو المشط على الكلوة من الجانبين )

واذا البعير بدأ يبول دم تعوّض الله فيه


تحيااااتي

[ظافر ال شداد]

اخوي فيه مرض اسمه الححمام ومن اعراض هذا المرض ان المطيه تخف شهيتها تاكل شوي ثم توقف ويشين حالها ودمنها اكرمكم الله يكون مدبب من الاطراف وعلاجه بصيط تعقل المطيه وتفتح فمها وتشوف الاثه من فوق متفخه مثل الحبوب تطعنها لين يطلع الدم الفاسد وبعدين تحكه بملح خشن وهذا من واقع تجربه وابشرك الناقه بخير
الله يشفي حلالك وحلالنا وحلال المسلمين

[مبارك المري]

خالد يمكن البعير اللي فيه نحاز فقط وذلك لانك تقول انه تحسن بعد الابر

اذا شفت انه يتحسن باستمرار فلاداعي انك تكويه

[خالد الحجي]

الأخوان مساكم الله بالخير المعذره على تأخري لعدم وجودي قريب من الجهاز والله يعطيكم العافيه ابشركم البعير
ألحين طيب رحت لرشيدي وشاف البعير قال البعير لاتكويه ولاتستعجل عليه ووصف لي أغره ببسي ونسكافه ويوم أصبح والبعير طيب وكله زين والحين أبشركم طيب ومافيه الا العافيه ودمنته الله يعزكم صارت طبيعيه عشان كذا مشكلة أكثر الناس لاشاف البعير
دمنته طويله ومدببه يعتقد أنها شوكه وهذا غلط لان البعير المنغث واللي فيه نحاز تصير دمنته طويله ومدببه وهذا من
خلال تجربتي ولكم تحيايتي وشاكر لكم

[فيصل العاطفي]

الله يشفية يالغالي