تكــفون يالربـع الفزعـــه

[فارس عبدالله السبيعي]

بسم الله الرحمن الرحيم

السلام عليكم ورحمة الله وبركاته
الشهر عليكم مبارك أسأل الله ان يكتبنا من صوامه وقوامه.
أحب أشكر الأخ عبدالعزيز التميمي على سرعه تجاوبه معي وقبولي عضواً في هذا الصرح المتميز.

يالربع انا شريت بكره العام الماضي وفي جسمها مثل البـقع فسألت راعيها قال ابد اذا حتت شعرتها بيرووح.
فحبيت أسأل عنه هل هو مرض وهل له علاج وهل هو معدي .وسلامتكم

وهذي صور له


http://up5.m5zn.com/photos/00234/i8goezftxxlr.jpg

لرؤية الصوره بحجم اكبر اظغط عليها

[بدر الذيابي]

الصوره غير واضحه

[سالم بن عبدالهادي]

الصوره غير واضحه

صورها عن بعد

[محمد علي الهدفه]

الصوره غير واضحه

صورها عن بعد

[محمد ابو عدوة]

مرحبا ابو عبدالله الصورة غير واضحة وانت تقول شاريها العام الماضي هل خلال السنه مانبت وبرها هل هي نفس البقع او بعضها سلم و الجواب عندك اذ هو معدي او غير معدي اعدا شي عندك .

[سامر الحربي]

الصوره ماهي بواضحه ..

لكن حسب كلامك يمكن يكون قرع اذا كان سنها مفروده


واذا كان قرع فهو معدي ومايصيب غير الحشو ..


والله يبارك لك في حلالك ....

[عبدالعزيزالشتوي التميمي]

وعليكم السلام ورحمة الله وبركاته

ارحب ارحب يافارس لاشكر على واجب ياغالي

استبعد انه قرع او جرب

يمكن توكون البكره قد بركت على جمر مماسبب لها هذه الحروق والحروق نادراً ماتبرا


تقبل فائق تحيتي وتقديري

وإن شاء الله يفيدونك الاخوان المختصين دكاترتنا الافاضل

عيد المنصوري وفيصل بن مرخان وبقية الاخوان اكرام

[سامر الحربي]

الصورة كانت ماهي بواضحه ..


ولكن بعد تعديل الاخ عبدالعزيز يبدو لي انه ماهو قرع ..

لكن عطها ابرة جرب وبتشفى بإذن الله ..

واحرص على ان يكون مراحها نظيف ...

[خالد العرجاني]

بكرتك مابها مشكلة وانا شفت بعض اللبل فيها مثل بكرتك ونصيحتي لاتبهذل بكرتك
بالابر يمكن مع الوقت يروح وهذا لاهوب جرب ولا قرع والله يشفيها لك

[فيصل العاطفي]

اللة يشفيها

[فارس عبدالله السبيعي]

أشكركم أخواني جمعاً .بارك الله فيكم.

[فارس عبدالله السبيعي]

مرحبا ابو عبدالله الصورة غير واضحة وانت تقول شاريها العام الماضي هل خلال السنه مانبت وبرها هل هي نفس البقع او بعضها سلم و الجواب عندك اذ هو معدي او غير معدي اعدا شي عندك .

ارحب اخوي محمد //لا والله وانا اخوك مانبت شي//ابد هي نفسهاا ولا تغير شئ//الحمد لله ما اعداء عندي شئ بس يمكن يكون سلامه من الله .تشرفت بمرورك

[راشد المطيوعي]

اخوي ضني هاذا رقط والرقط له وسم فوق الذيل مطرق صغير عرض

[مسفر حمد المري]

هاذا عادي بعضه يروح وبعضه يبقى

[فارس عبدالله السبيعي]

نحتري الاخوااان يفزعوون برايهم،،

[فيصل بن مرخان]

الاخ فارس
انصح انك تاخذلها بيطري حتى يكون عملي افضل
لا كن اصوره ماهي واضحه والبقع الي فيها اغمق من باقي الجسم!!!!
ممكن تكون وراثه وممكن تكون حروق وبلاصح كوي لانها في مكان كوي

[فارس عبدالله السبيعي]

شاكر لكم مروركم جمياً .بارك الله فيكم