الابل ما تاكل الشعير ولا الشوار وش الحل؟

[يوسف مخلد العتيبي]

خويلي شرى له 30 ناقه وحطها في شبك ماتطلع منه لها تقريبا شهر ونص

اول ما جابها كان يعطيها برسيم ورودس فقط

وله اسبوعين يعطيها شعير وشوار ولا تاكل منه الا شي بسيط

والرجال ابتلش قم يعطيها كيس شعير ويالله تاكله

يقول الظاهر بقطع عنها الحبوب واعطيها الحشايش مثل الرودس والبرسيم والتبن

علما بانه طحن الشعير ولا فيه فايده اكلها له ضيعف

الابل خطرها شينه وابطونه منطبقه ولا تنومسك

وش الحل يالربع

[فلاح الرشيدي]

مبارك عليك الشهر وعلى جميع المسلمين

صارت معانا

الابل ماتبي الامراح

والله يوفقك يارب

[راشد ال لزيز العجمي]

يايوسف عزالله ان رفيقك ماسوا خير في حبس ذا الابل ياخي قله يضهرها لو ماتحصل شي تاكله برا وصدقني راح تتغير خطر الابل وبتاكل.


وهاك قصيده الحويفي وصلها لرفيقك وسلم عليه ولا يعايقب الابل ولاله عذر منها اذا ماعنده راعي يجب لها راعي تراها والله تستاهل الخدمه

قصيدة الشاعر /// بدر بن عواد الحويفي الحربي


يـاهل النياق اللي عليهن تصكون
من فضلكم لا تسجنـون البهايـم
مافيه داعـي للبهايـم تحبسـون
خلو عطايـا الله تـذّب الخرايـم
اما عطوهـا حقهـا لا تشحـون
ولا اتركوهـا مالكـم بالظلايـم
بحقوقها اللي وافيـه لا تعيـون
الله عطاهـا للصحـاري قوايـم
والبل بها شجعان نجد يتعـزوون
اللي وراهـا يجدعـون العمايـم
مقدارها عند المناعير مضمـون
يوم أنهـا بيـن القبايـل غنايـم
ليت الذي تحت المقابر يشوفـون
اللي عن البل جاهـدوا بالعزايـم
اللي بميدان المعـارك يهوشـون
يوم الرمك تعطي هجوم وهزايـم
هذا وانا مالي على الناس قانـون
وجهة نظر ما افرض عليهم لزايم
واللي عطوها حقها ما يلامـون
بعنايـة البـل مالحقهـم لوايـم


واسمح لنا ان كان ثقلنا عليك
تقبل أطيب تحية

[ياسر الحربي]

هاذي المشاركة قصيدة الشاعر /// بدر بن عواد الحويفي الحربي
يقول الشاعر............


يـاهل النياق اللي عليهن تصكون
من فضلكم لا تسجنـون البهايـم
مافيه داعـي للبهايـم تحبسـون
خلو عطايـا الله تـذّب الخرايـم
اما عطوهـا حقهـا لا تشحـون
ولا اتركوهـا مالكـم بالظلايـم
بحقوقها اللي وافيـه لا تعيـون
الله عطاهـا للصحـاري قوايـم
والبل بها شجعان نجد يتعـزوون
اللي وراهـا يجدعـون العمايـم
مقدارها عند المناعير مضمـون
يوم أنهـا بيـن القبايـل غنايـم
ليت الذي تحت المقابر يشوفـون
اللي عن البل جاهـدوا بالعزايـم
اللي بميدان المعـارك يهوشـون
يوم الرمك تعطي هجوم وهزايـم
هذا وانا مالي على الناس قانـون
وجهة نظر ما افرض عليهم لزايم
واللي عطوها حقها ما يلامـون
بعنايـة البـل مالحقهـم لوايـم


وارجو انك تقبلها بكل صدر رحب يا اخ يوسف
تقبل أطيب تحية









بيض الله وجهك ووجه

الشاعر /// بدر بن عواد الحويفي الحربي

قصيدة جزلة ومعبرة جدا


تحياااااااااتي

[سالم المحميد]

أكــتفي بـرد أخوي راشد ال لزيز العجمي

بيض الله وجهـ على ذالرد وصـح الله لـسـان الشـاعـر

[يوسف مخلد العتيبي]

الله لايهينكم ياخوان

الرجال توه جديد وطالبله راعي وماجاء من ديرته للحين

ودوامه يومين باربع راحات يعني وضعه صعب

ماقصرتوا على الردود وان شاء الله اوصله ما ذكرتم

[نواف بن جندل العازمي]

الحل بسيط الله يعينه على سوداني مؤقت

لو يخليه عنده ثلاث شهور براتب 1000 ريال

الى ان يصل الصبي واذا هو جديد سوف يكتسب خبره ولو قليله من السوداني

واعتقد السوداني المؤقت افضل حل