أصحاب الفحول المنتجه فقط

[علي فيصل البقمي]

[الأخوة الأعزاء

تكرم الأخ راشد العرق مشكوراً بطرح موضوع يهم الجميع وهو عن "الفحول المنتجه"

والتي لا يمنع عنها أهلها ويبحثون دائماً عن " ونعم وبيض الله وجهك".

وبقدر أهمية الموضوع كان التجاوب والترحيب من الرجال الذين ينطبق عليهم القول السابق

ولا يستغرب الطيب من الجميع فهم أهل له. لذا أحببت وبعد إذن الأخ راشد إفراد موضوع

جديد لهذا الغرض وسوف أنقل له جميع مشاركات الأخوان الذين رحبوا بكم جميعاً

وسوف تكون المشاركه مقصوره فقط على لمن لديه فحل منتج ويريد

الترحيب بالإخوان وذلك لسهولة وصول المعلومه لنا جميعاً.


ارحب ياراشد

وانا عندي بعير على وريك وهذي معلوماته وصوره

http://www.mzayan.com/vb/showthread.php?t=8761

والبعير على حبال يديكم جميعا واي وقت ومرحبااااااااابكم ومرحبا بذودكم

واللي مشغول ولا يقدر يجي يرسلها علي ويزهلها ماله الا اللقاح بأذن الله والعلووم الطيبه

والبعير ماهوب لي من دونكم ودون الطيبين اللي شرواكم

اخوكم





ههههههههههههههههههههه



الله يصبحكم بالخير جميعآ أنا فيه اخ لي امون عليه وهو راشد ال زابن الدوسري


وسبق أن وصاني عليكم وجهت لكم دعوه تخص هاذا الموضوع




في أخر موضوع لي سابق في أرشيف مزاين


ولا اعرف اضيف الرابط لني غشيم


وهالحين من خلال موضوع اخي العزيز /راشد العرق


هم أكرر لكم العزيمه علا الشحم والضراب بالركاب وعددها 3 الفحل المنتج قعيدان والثاني وحيدان والثالث معيران


وكلها منتجه من فضل ربي


وبتزيد بركتها وبيزين أنتاجها اكثر يلا ضربتوبها انتو والي يعز عليكم

ومرحبا ومسهلا ترحيبه المطر بالجميع


وتلوفنات صاحب البعارين في الموضوع السابق أي استفسار حاضرين

http://www.mzayan.com/vb/showthread.php?t=7962




أخوكم/ بدر أل زابن الدوسري


بالنيابه عن/ راشد بن هادي ال زابن الدوسري



وتقبلو أجمل تحياتي,,,,,,,,,,,,,,,,,,,,,,,



يعطيك العافيه ياراشد

وانا عندي فحول وعلى حساب الطيبين
اصبرو عليها لين تهيج وحياكم الله
ومرحبااااااااابكم ومرحبا بضرايبكم

الفحول هي كتالي
قعيدان وابوه قعيدان العرق وشتراه الرامس المنهالي

وحريش على حريش العروق

وكلها منتجه من فضل ربي


بسم الله الرحمن الرحيم


السلام عليكم ورحمة الله وبركاته ,,,,


أخوي العـزيز راشد الـعـرق بيض الله وجهكـ على الموضوع الجميل والمفيد وهذا علم طيب وسعد منهو عنده

فحـل منتج يكسب به العلم الطيب وأبو حمد ماهيب غريبه عليه ذالعلوم الطيبه لاهو ولا ألي هو منهم

وبالنسبه لركاب المنتجه أنا ماعندي بعير منتج غير عندي قعود طيب هاقين فيه هقوتن طيبه

أيجذع الزمان ذا وأقووول مرحبا مليون والله أنـي صادق من ناقه إلى مليون ناقه

مرحبا ومرحبا ومرحبا

ولا هوب لي من دون المسلمين كلهم والبعير من طويله مهوب لراعـيه من دون خلق الله هذا أجـر للمسلمين كلهم

وهاذي صور القعود فالشتاء ذألي زل وأخر صوره له فالقيض ذا

http://file9.9q9q.net/local/thumbnail/36225831/600x600.jpeg
http://file8.9q9q.net/local/thumbnail/97655364/600x600.jpeg
http://file7.9q9q.net/local/thumbnail/89412117/600x600.jpg

يمكن القعود مايصلح لكم ولا كن من ألي فالخاطـر ودي أعزمكم بس

ومكان البعير شرق الحساء 30 كيلوا ومرحبا

وسلالالالالامتكم

[علي فيصل البقمي]

علمً طيّب ياراشد وانت من هله

انا عندي فحل من طنب خنوفان الكربي

ومرحبا بكم البعير على حبال يدكم

البعير منتج ومعروف

ومن يبي ينوخ مرحبا ومسهلا


وهذي صورته وبعض بناته


http://www.mzayan.com/vb/showthread.php?t=8237

لاهنت فهيد وبيض الله وجهك

[راشد العرق]

بيض الله وجيكم على الموضوع الطيب والله انكم رجال ونعم

بعض العالم ما تذكر ركابها حتى ما تنوخ عندها وانتم سباقين لكسب الطيب ما شاء الله عليكم

انا عندي فحل شكل بس ما اعرف انتاجه ولا اصله واللي حاب ينوخ يا مرحبا والله فيه هو و ربعه

صورته في التوقيع ( الامارات - الوثبة - قريب من ميدان الوثبة للهجن ) 00971506165933


بيض الله وجهك يازايد والله يبارك لك في الفحل ويرزقك منه الانتاج الفاخر

[راشد العرق]

اشكر أخوي راشد العرق على هالفكره المباركه .
وأشكر أخواني اللي تفاعلوا معها .

ومشاركة مني لأخواني :

عندي فحل طيب (أوضح) على بعير الأمير سلطان بن محمد الكبير المشهور ب(الزمامي) وأمه من أبل حمد المخيال (من أبل الأمير) وهذي السنه الثالثه لهداده فالبل ولاشفنا له الا بطنه وحده والثانيه هالشتاء بأذن الله . وأنتاجه طيب بشهادة هل الأبل اللي شافوه والله يحييكم يأهل الوضح والشقح والشعل والصفر وكل الألوان المغتره وهو طرحه أوضح من كل الألوان تقريباً ونفرح بجيرتكم .

والله يحييكم والمكان شمال محافظة عفيف 20 كلم بعبلة الخنفسيه ومايمنع أن الواحد النشيط يسير علينا ويشوف بعينه البعير وأنتاجه مع البل لأن كل واحد وله نظرة قبل ما يتعنى بأبله أو يتصل بي (علماً أنني حالياً خارج المملكة ) على الهاتف رقم (0012026400328) ولو مارديت لفارق التوقيت (أمريكا) يترك لي رساله صوتية ورقم هاتفه وأنا أتصل به ..

والله يحيي الجميع ويعلم الله أننا نحب لكم مثل مانحب لأنفسنا والله يعطينا ويعطيكم الأنتاج الطيب ..


يض الله وجهك والله يبارك لك في البعير واماته

[راشد العرق]

بيض الله وجهك يا راشد وعلومك طيبه ولا هي غريبة عليك.

دعوة لمن أراد يضرب إبلة عندنا نقول مرحبا ألف والركاب صورها موجودة في عرض الفحل.


وللاستفسار الإرسال علي الخاص أو 0505916145


الله يبارك لك يابو حمد في الركاب واماتها

[مشعل الكرين العتيبي]

السلام عليكم ورحمة الله وبركاته

اخواني الاعزاء اهل الموضوع الهادف

عندي سؤال مقارب لموضوعكم بعض الشيء

س- وشنهي الاعذار اللي يقدر يتعذر فيها راعي البعير عن ضراب نياق الناس ويقدر يقنعهم باعذاره

خصوصا ان بعيره سليم ونياق الناس سليمه وبيوصلونها لمراح البعير بعد؟

ولكم جزيل الشكر

[راشد العرق]

الاخ مشعل

ياليت لو يكون موضوعك مستقل وتلقى عليه ردود طيبه من الربع

وبالنسبه لاجابتي فهي كالتالي

مرحبا بك بالنسبه للبعير اذا هو يضرب اماته ماله عذر

واذا هو ما يضرب اماته يصبرون الناس صبر راعيه

ومن بغا العلم الطيب بدا الناس حتى على نفسه واصبر على ثقل دم بعض الملقيه لان بعضهم ما ودك انه يتعدى بيته ومراح ابله ولا ودك انه من ربعك

[مشعل الكرين العتيبي]

اخوي راشد العرق

شكرا جزيلا على ردك

وابيض وجه يا راشد

[عبدالهادي آل سلطان]

لــلــــــرفــــــــــــع