احد عنده علاج الله يرحم والدينكم وين هل الخبره؟؟

[بدر الذيابي]

يالربع عنديبكار مفاريد وحقايق تسرح وتضوي مع البل وبعد فتره ست منها جاء في خشومها وبراطمها مثل السواد وقلت عادي وبعد فتره تفطرت براطمها واصبحت تقول انها متقلبه وحالها ضعف وابي احاول احط لها صور تكفون الله يرحم والديكم البكار غاليه وخايف عليها وخايف المرض معدي تكفون اللي عنده معرفه والا درايه والا ينشد هل المعرفه

http://t7mel.net/uploads/917960a4dd.jpg

http://t7mel.net/uploads/d92ac0eefb.jpg

http://t7mel.net/uploads/fc4e878190.jpg

لرؤية الصوره بحجم اكبر مرر الماوس واظغط عليها

[عبدالعزيزالشتوي التميمي]

مرحبا مليون يابدر

ماشاء الله على البكار طيبات الله يشفيهن

لاتخاف ان شاء الله انه مرض بسيط فطريات وتروح مع الوقت

ننتظر دكاترتنا وخبرائنا الافاضل لكي يفيدونك ويعطونك العلم الصحيح

[بدر الذيابي]

هلا وغلا يابو سعود اكبر شرف مرورك على مشاركتي

والبكار تفدى راسك


والعيال انتظر الحل عندهم والبكار والله حاسيها ببيعها بام رقيبه هالسنه انشاء الله ودي تطيب قبل المزاين

[سعود الزيادي]

اللي في البكار بليماء ( بردا ) وهي مثل ماقال اخوي ابو سعود نوع من الفطريات

وما يشوفن شـــــــر ان شاء الله

[خالد العرجاني]

ما يشوفن شـــــــر ان شاء الله وان شاء الله تروح

[فهد الأحمد]

الأخ العزيز بدر الذيابي

هذا المرض يسمى (( الباردة )) وهو عبارة عن فطريات
وللأمانه هي معديه ولكن ما تصيب غير الحشو والمفاريد إلى الحقايق.

أنصح بمراجعة طبيب بيطري لإعطائهم الدواء اللازم.

[سلطان المطيري]

اخوي بدر المس جنوبها اذا كان فيها حبيبات مثل حبه الشباب على جميع جسمها فهاذا جدري
لانو فيه نفس الحاله بالضبط كان في نياق عمي وعالجناها بالابر والحمدلله طابن .
الله يشفيهن لك

[فيصل العاطفي]

اخوي بدر المس جنوبها اذا كان فيها حبيبات مثل حبه الشباب على جميع جسمها فهاذا جدري
لانو فيه نفس الحاله بالضبط كان في نياق عمي وعالجناها بالابر والحمدلله طابن .
الله يشفيهن لك
--------------------------------




مثل ماتفضل اخوي سلطان بس روح للبيطرى وقلة ابى علاج البلما وهى عبارة عن ابرة تضرب مرة وحدة باذن اللة وتشفي اما اذا كان في جنوبها حبوب فهي جدري وعلاجها موجود عن البيطرى بس انتبة من الطيب عليها تر تذبح المطية اللى فيها جدري واللة اعلم

[فيصل بن مرخان]

الاخ بدر هذه البارده اعدها عن الشوك وتسلم
تقدر تغسلها بماء دافي مع ملح واغسل الراس اذا انتفخ

[علي ال حقي]

البارده من اعراضها ظهور انتفاخ حول الحلق مثل اللوزتين بالضبط
وعلاجها مضاد حيوي مركب مع بنسلين لمده ثلاثه ايام

[عيدالمنصورى]

اخوي بدر
خذ مالبيطري علاج للحمى واعط البكار ابرة بنسلين مع علاج الحمى وانشاء الله تطيب

[بدر الذيابي]

الله يوفقكم كلكم

ماعندي الا الله ثم انتم وابي اخذ بنصيحتكم
اليوم اعطيتها ابرة جرب وغسلت خشومها وقرشت بعض اللي فيها
وانشاء الله تطيب
مشكوووووووووووووورين والله يرحم والديكم

[ظافر ال شداد]

اخوي بدر المس جنوبها اذا كان فيها حبيبات مثل حبه الشباب على جميع جسمها فهاذا جدري
لانو فيه نفس الحاله بالضبط كان في نياق عمي وعالجناها بالابر والحمدلله طابن .
الله يشفيهن لك

اخوي مثل ماقال اخوي سلطان
وللعلم الجدري والبارده واحد وعلاجه بصيط ان شاءالله
الله يشفي ابلك

[صالح إبراهيم]

ممكن يا أخون تدهن اللي فيها بزيت محروق<<<< زيت السيارات من البنشري تآخذه

بس قبل لازم تسخنه لحد ماتحس إنه يلسع يدك من حرارته

وتدهنه مرة ومن بكرا تشوف الفرق

والله يشفها يارب..