يأهل الخبره

[ماجد المطيري]

السلام عليكم ورحمة الله وبركاته مبروك عليكم الشهر

عندي بكره غاليه عندي حاله ضعيف وهي تأكل سنها حقه سنتان عطيتها حبوب دود وابرهيام وابر جرب وحنظل ويش العلاج الي تنصحوةني به والى صارعنده مثل هذي الحاله لا يبخل علينا وشكر

[علي بن حويل المري]

الله يعافيها انشالله

[مسفر حمد المري]

الظاهر معها اسلاق @ بس افحصها عند الدكتور اذا تبين معها اسلاق اعزلها من ابلك تراه معدي

[ماجد المطيري]

الظاهر معها اسلاق @ بس افحصها عند الدكتور اذا تبين معها اسلاق اعزلها من ابلك تراه معدي


لا الله يعافيك ماهوسلاق ليس معها ذراق

[سامر الحربي]

غرها بزيت سمسم

والله يشفيها ويبارك لك فيها ..

[خالد الحجي]

مثل ماقال اخونا سامر غرها بزيت سمسم تراني مجربه ومفيد وراح تلاحظ الفرق خلال أيام

[عقاب العتيبي]

السلام عليكم

كم مقدار زيت السمسم اللي اغرها به يعني مقدار فنجال او بياله او نص ربع لتر

[سامر الحربي]

حياك اخووي عقاب العتيبي

عطها ملي قارورة موية الصحه الي بريال ..

يعني 0,55 لتر تقريبا ..

وهو مفيد جدا جدا للهبوب ايضا .. والشافي الله عز وجل ..

[سلطان المطيري]

كان عندي ناقه فيها سلاق ما ذرقت وهي ضامر جدا
انصحك تجيبلها الطبيب البيطري
لان مرض السلاق معدي الله يكفينا وياك والمسلمين منه

[بدر الذيابي]

كان عندي ناقه نفس الحاله بس اللي عندي عشراء وبنتها معها

ويوم شريتها عزلت بنتها عنها وخذت حول ست شهور وهي هزيله وتعبانه رغم انها تاكل لين تكبه مكعب ونخال وشعير
واعلاف بس سألت رجل خبير وقال جرب الثوم وحطه بالتمره مكان العجمه او الخبز علشان الناقه ماتعافه وعطيتها حوالي خمس حبات ثوم وبحمد الله الناقه تعافت والله من يشوفها الحين مايصدق رغم اني ما اضربتها الى الحين