الحرده؟؟

[محسن الدوسري]

.
.
.
.
.
.
.
بسم الله الرحمن الرحيم

السلام عليكم ورحمة الله وبركاته

كيف حالكم يارجال

عندي إستفسار لاهنتو عن مرض الحرده

عندي بكرة ترفع يدها اليسرى بسرعه اي ماتاطى عليها بقوة

شافها رجال شرواكم وقال هذي حرده؟؟

ودي أعرف ماهي الحرده وماهو علاجها سواء كانت بالطب الشعبي او الطب البيطري

ومن هم افضل الاطباء الشعبيين والبيطرين

وجزاكم الله خير ووفقكم لما يحب ويرضى

[فهد بن صلبوخ]

مرحبا يامحسن

والحرده عصب ياتي في ركبت الحاشي ويجعله مثل ماتفضلت ماياطى على الارض

وصعب انها تروح الا ماشاء الله

وهناك من يربط فوق الركبه حبل من وبر اي من شعر وغزل الابل

وهناك من يكويها بالنار دار مادار فوق الركبه بسانتي او سانتيين تقريبا

اما الابر والادويه ما أظن لها ابره معينه او دواء معين

ولكن اكثر من ادوية البي ون وابرة الطير وابرة ارتخاء الاعصاب

واستمر عليها بحبوب النحااااااااااااااااس تراها مفيده جدا جداجدا



** كل اللي قلت لك لابد من وصفه طبيب بالظبط وان تمشي على جدوله اللي يقول لك ..!!



وان استغنيت عنها كلها واركيت عليها التمر
ترا التمر سبحان الله يفي بجميع الاغراض اللي قلت لك ..!!


وبالتوفيق لك

اخوك

[محسن الدوسري]

جزاك الله خير وبيض الله وجهك على سرعة التجاوب يافهد

لاكن ماتعرف طبيب شعبي او بيطري يكون خبير وجيد

انا في الرياض وان كنت تعرف احد قلي ياابيض الوجه

[فهد بن صلبوخ]

وجهك ابيض طال عمرك

اما بالنسبه للشعبيين انا فالشرقيه واللي عندنا اكثرهم شيبان ولا يقدرون يروحون الاماكن البعيده

ولكن اعلن هنا في العياده عن الاطباء الشعبيين اللي فالرياض وراح يفيدونك الاخوان


وبالتوفيق
اخوك

[سامر الحربي]

مرحبابك اخووي محسن ..

اخووي فهد بن صلبوخ ماقصر والله يعطيه العافيه ..

كان عندنا ناقه مثل كذا ترفع يدها بسرعه من على الارض

ولقينا في خفها حجر كأنه شوكه داخل في خفها بعد تفتيش دقيق جداا

ونقشناه بالمخيط واخرجناه منها وحشيناه وبر منها والحمدلله من ثاني يوم

تمشي ولا كأنه بها شيء ,, ففتش خف البكره يمكن تلقى فيها شيء ..

والله يشفيها ,, والله يبارك لك في حلالك ..

[فيصل العاطفي]

اخوي محسن مساك اللة بالخير
اتوقع واللة اعلم ان اللى فيها رهصة وعلاجا هو الكلي

واستشر وانا اخوك ولاخاب من استشار من اهل العرف ويوجد دكتور طيب جدا ومجربة من سنوات سورى يقاله محمد وصيدليتة بالمحدود بعد اشارة نادي النصر وانت طالع

واللة يشفيها ولا يخسر عبادة


اخوك ابو ناصر

[راشد المطيوعي]

انا معا اخوي فهد ولا قصور بربع

[مبارك المري]

الحردة تبين اكثر شيء عند الركظ فعند رفع الناقة ليدها تجد الخف يرتفع الى اعلى بشكل ملحوظ وبطريقة تختلف عن باقي الخفاف

وهو لايؤثر على ماطا الناقة فتجدها تاطا بشكل طبيعي وبدون مايبين فيها ضلع

وسببه ارتخاء في العصف وقد يحدث ايضاً في الارجل ويسمى اخطله

وبالنسبة لعلاجه وحسب علمي لايوجد علاج

[عيدالمنصورى]

اعتقد انه خطل وهو يطيب فقط بالكي وبحاجة طبيب شعبي في حالة ان الخف صاحي

[عبدالعزيزالشتوي التميمي]

مرحبا يامحسن

والشباب ماقصرو

الله يشفي بكرتك

[ناصر نايف السبيعي]

فيه سوداني في الجنادريه بالرياض يقولون انه ممتاز في علاج الحرده ولديه طريقه جيده في العلاج وكذا حاله طابت على يديه ابدور رقم تلفونه واجيبه هنا

[عبدالله حمد هران]

الله يشافي بكرتك وماقصروا الاخوان

[محسن الدوسري]

بيض الله وجيهكم