أفيدوني في البعير الاكول ...؟؟

[زايد المنصوري]

في بعير عماني طيب عند واحد من الربع والبعير يعض البوش وما يداني البكار

والبعير طيب لكن عذروبه اكول

في حل للبعير ...

[سعود الزيادي]

1- فيه حل جب البيطري وخله يبنجه ويقطع نيبانه بعد كذاء خله يعظ على كيفه مامنه خطر على البكار


2_ الطريقه الثانيه اربطه بوسط شبك الابل ولاتقرب العلف منه الى اذا كانت الابل خارج الشبك مع الوقت يوالف الابل .

[زايد المنصوري]

سعود تسلم على الحل الطيب

اعتقد ان الطريقة الاولى هي الحل الامثل

[راشد العرق]

الحل ياخوي زايد

هو البلام والبلام يحط للبعير اللي يعض البل ويسمح له ياكل العلف ولا يقدر يعض لان البلام يرده لا يعض

[علي ال مرعي]

مع راشد العرق.

[عساف السبيعي]

بعض البعارين عندها مشكلة في النظر والتمييز

ولايفرق بين البكار خاصة والقعدان وتشوفة مايتعرض الخلفات البينة الواضحة

ويتركز هجومة على البكار اعتقاد انها قعدان

اربطة برباط وسط البل ولبس البكار جنايب ومدة بسيطة وتنتهي المشكلة

[راشد المطيوعي]

مع راشد العرق

[فهد الأحمد]

مع راشد العرق

[عيدالمنصورى]

مع راشد العرق
واضافة b1فيتامين تهدئ البعير

[زايد المنصوري]

تسلمون يا الربع على الاستشارة الطيبة

انا بجرب وبشوف

[عبدالهادي سالم المري]

انا مجرب البلام ولايمنعة من انه ياكل العلف ويشرب بس ماعاد يعض واذا البعير عماني طيب فيه حل ثاني :ان يبيعه علي وانا افكه منه بس يرسل لي صورته واصله

[حمد بن علي]

الحل ياخوي زايد

هو البلام والبلام يحط للبعير اللي يعض البل ويسمح له ياكل العلف ولا يقدر يعض لان البلام يرده لا يعض


كلام خبير مع العرق

[زايد المنصوري]

ما ظني يبعيه يا هادي

تسلم يا حمد على المرور

بس ممكن حد فيكم يصور لي البلام حتى اعرف اي نوع تقصدون

[عبدالهادي سالم المري]

اخوي شوف هذا البلام بس اصغر شوي
http://www.3zba.com/vb/showthread.php?t=23704

[زايد المنصوري]

تسلم والله يا بو سالم يمال المعزة في ذمته

عساك على القوة

[عبدالهادي سالم المري]

ومن قال يسلم يعطيك العافية

[عبدالهادي سالم المري]

وحط حكيمة ثانية من قدام اللي في الصورة

[محمد علي الهدفه]

مع راشد العرق

[زايد المنصوري]

تسلم يا بوسالم عساك على القوة بوافيك بالاخبار ان شاء الله

محمد تسلم على المرور

[وافي العوني]

اخوي البعير الأكول ماله دواء بس فيه حل انك تهدي من طبعه شوي..

والحل على ماقال اخوي سعود بالحل الثـــاني..

تحيـــآتي..

[بخيت البريدي]

اخي زايد انا كان عندي فحل من الفحول الطيبه .. ولكنه فيه عذروب يعض العجوم ولا يخليها تقرب منه .. وامس جبت له دكتور بنجنه بنج موضعي وحش نص انيابه ونص سنونه اللي تحت .. واللحين صار يقرب من العجوم ويمسك ولا يعض