استفسار عن حاله يا النشاما

[فهيد الشهراني]

الاخو مساكم الله با الخير جميعاً


عندي ناقه فيها عله ماعرفت اعلاجها افيدوني يا النشاما لا عدمتكم

الاعراض

بداية المرض حضاه في الديد
وبعدها هزل وعدم اكل وشرب
وهي كانت خلفه بعت ولدها
وجبت لها علاج وكنها تشالت
بعدين جاها مثل الجرح كويتها
عن الجرح وعشرت وحالها
ماهوب طيب
اصعدت وتردت بالحيل
وبعض الوقات يطلع
فيها خراج في وروكها
واحيان تضلع من رجلها
والناقه غاليه
اللي عنه خبره ولا قد مرت
عليه ذالحاله يفيدنا
جزاه الله خير

الناقه مافيها سلاق ولا بودبه

[علي بن حويل المري]

حياك الله يافهيد والله يشفيها انشا الله ونامعندي خلفيه عن ذا المرض

[خالد العرجاني]

اخ فهيد منطرف الجرح فهو يضعف الناقة ولاترعى وتقاها دايم تبرك ودامك كويتها
وتعافت لاكن نصيحة ان الناقة الي فيها جرح وكويتها لا تشيلها بدينا هل الناقة تسرح
ولا في شبك والله يشفيها لك

[سامر الحربي]

حياك الله اخووي فهيد الشهراني

ارى ان تقرا عليها وتغرها بزيت زيتون مقري عليه ,, والله يشفيها ان شاء الله ..

وان شاء الله الاخوان بيفيدونك اكثر ...والله يبارك لك في حلالك ..

[مبارك المري]

الي فهمته من كلامك ان النواجم او (الخراج)

يظهر في اماكن مختلفة من جسم الناقة وعلاج هذا النوع المتقدم من المرض صعب .. واقترح عليك الاتي :

تعطيها ابرة هيام وابرة جرب فرنسية

لي تجربة ناجحة مع النواجم بناء على ارشاد من الاخ عيد المنصوري على الرابط التالي مشاركة # 6 :

http://www.mzayan.com/vb/showthread.php?t=1380

وتقبل تحياتي

[عيدالمنصورى]

مع الاخ مبارك المري

بالنسبه لابر الهيام والجرب

والناقه اعتقد انها بحاجة مضاد حيوي بعد ذلك ولو لمره واحده

[فهيد الشهراني]

لاهنتو وبيض الله وجهكم يا النشاما
اخوي عيد المصوري
عطيتها مضاد حيوي
قبل ثلاثة ايام
والان فيها الله يكرمك
والملائكه
ذراق
ونفسه زينه للاكل
عطني نصيحتك
لا عدمتك

[عبدالله بن ناصر المري]

الله يشافيها

[بخيت البريدي]

ياليت اقدر افيدك دامها غاليه عليك .. لكن الله يشفيها فهو قادر على كل شي