نرجوا المساعدة

[خالد العرجاني]

ياربع مساكم الله باالخير نبي الفزعة ان حصل انا عندي ابل شريتها من حوالي اسبوعين وخليتها
في شبك شمال الرياض وكسرت الشبك اليوم الصبح وداجت حول شبكها ومدري وش كلت ويوم جيتها
العصر اليوم ودخلناها شبكها فيه القحتين وحدة تبرك والثانية معها بكرة حقة رعت من العلف وقامت تغثي
وصدت عن الاكل وابي من الله ثم منكم الفزعة لاهنتوا علمن باني حطيتها في شبك ثاني ومنعت الاكل والما عنها
وسلامتكم

[علي بن حويل المري]

حياك ياخالد البل يمكنها حمره غر كل وحده منها بيبسي ابو اربعه اريال وانشا تعافا
تقبل تحياتي
اخوك

[علي ال مرعي]

الكافي ياخالد جربناه وهو اطيب شي للغثه وابلك مغتثه واللي غثت اشوى من اللي ماغثت.

[خالد العرجاني]

الاخ علي بن حويل بيض الله وجهك ورحم الله والديك عن النار ومشكور على تفاعلك مع الموضوع

[علي بن حويل المري]

حياك الله ياخالد مثل ماقال اخوي علي النص كافيه زين للغثه

[خالد العرجاني]

على ال مرعي الله لايريك مكروة ويبارك فيك ويجعلها في موازين اعمالك على طرح النصيحة والمساعدة

[سامر الحربي]

اسال الله ان يشفي ابلك ويرفع عنها كل اذى


والاخوان ماقصروا اعطوك الراي ,, تقبل مروري وتحياتي ..

[خالد العرجاني]

الاخ سامر بيض الله وجهك والله يقبل دعائك

[علي ال حقي]

مع ابن حويل وابن مرعي

[خالد العرجاني]

مرحبابكم يابني عمي ولايهونون الربع الباقين عزالله فزعتوا لخيكم وبيض الله وجيهكم
ويرحم الي ارثكم نعم جربت اسفن اب العائلي وشربتة كل وحدة بعد ماحطيتها بشبك الحالها
بدون اكل وشرب ولله الحمد تعافت اللبل وبعد يومين خليتها مع اماتها والحمد والشكر لله
كلت وشربت ولابها خلاف وسلامتكم

[نواف بن جندل العازمي]

الحمد لله رب العالمين
لك الشكر والثناء يا رب العالمين يا معين