شرايكم يأهال النظر000جمل اوضح

[يوسف مخلد العتيبي]

وش تقولون فية تراة مهوب لي ان كان فيه شي ولا شي قولوا

كم يسوى؟؟؟



http://www.mzayan.com/vb/images/uploads/304_165304365865044c39.jpg

http://www.mzayan.com/vb/images/uploads/304_16530436586508c09f.jpg


http://www.mzayan.com/vb/images/uploads/304_18255436586c7a2066.jpg

http://www.mzayan.com/vb/images/uploads/304_18255436586c7e5653.jpg


http://www.mzayan.com/vb/images/uploads/304_185494365874cdb81b.jpg

http://www.mzayan.com/vb/images/uploads/304_1629643658866a16b6.jpg

[زاهر العرجاني]

يوسف العتيبي

البعير شكله طيب لكن هل هو

ابل السعوديه لان الواضح من صوره

انه جاي من خارج اللملكه فاذا كان

هذا صحيح فمن يضمن انتاجه وانا

ترى ماني بابخس الوضح زين

لكن انشالله يفيدونك اهل الوضح

اتمى لك التوفق ان كنت تبي تشريه

ولراعيه الربح منه.

[محمد بن عويمر]

معك حق اخوي زاهر مابعد شفت ها الراس في الجزيره ياليت تفيدنا اخوي يوسف عن اصل البعير لاهنت

[فايز السحيمي البلوي]

ما شالله تبارك الله

[خالد عبدالله السبيعي]

الاخ يوسف العتيبي

بالنسبة لي أنا أعرف البعير وقد كنت حاضرا ليلة انباع بالمزاد وشفته على الطبيعة

ورأيي مع أن البعير ضعيف : أن ((( لونه ورأسه ووجه ))) خيااااااار ولا فيه كلام

والله يبارك لراعيه فيه ويمنحه منه ويرزقه فيه


لاهنت يا يوسف

وتقبل اطيب تحية

أخوك

[هلال الشيباني]

وين المزاد ومتي صار

[يوسف مخلد العتيبي]

هذا الجمل عراقي وبيع في سوق الابل في الكويت

بمبلغ 8200 دينار كويتي

[هلال الشيباني]

يوسف تسلم علي سرعة تجاوبك

البعير افتو فية الخبرة

أن ((( لونه ورأسه ووجه ))) خيااااااار ولا فيه كلام + ما شالله تبارك الله + البعير شكله طيب

وسلامتك ياغالي

[خالد عبدالله السبيعي]

الاخ يوسف

صدقت بيع في الكويت بـ 8200 دينار

وعطوا راعيه اللي شراه مكسب لغاية 1.800 دينار ورفض البيع

في حراج الحربي بالليل الساعة تقريبا 8.30 أو 9.0 مساءا

والصور للحراج والمزاد واضحة في الصور التي ارفقتها أنت

وللمعلومية البعير ليس عراقي وإنما ايراني



وقد تم النقل بواسطتي لمزاين الابل واشهر الفحول لانه ليس معروض للبيع

تحيااااااااااااتي

[جاسم الجربوعي]

الاخ يوسف العتيبي

لاهنت يالغالي على عرض صورة الفحل الي مابعد شوفت مثل راسه


ومثل ماقال الاخ خالد أن لونه ورأسه ووجه خياار ولا فيه كلام


وما اقول الا الله يبارك لراعيه فيه ويمنحه منه ويرزقه


والله يعطيك العافيه وبيض الله وجهك


وتقبل تحيااااتي

موفق

[خالد المطيري]

الله يربح الشارى والبايع

وكلامك عدل يا خالد السبيعى البعير ايرانى سبحان

الله لايرانى والبكستانى معروفه عند اهل البل

ولبعير لون وراس وكل واحد وله نظر

[هملان الهملان]

ايران عندهم هالزين


سبحان الله تكفون من عندة صور ابل

ايرانية وطريق الاتيان بها لا احد يبخل علينا بالمعلومة


ويعطيك العافية اخوي يوسف

[خالد المطيري]

مو جوده بصفاه البل بالكويت أخوى هملان الهملان كود والله البل مزين وزينه طاغى بس مصيبه لاتعرف مقهور ولاتعرف شى كل وحده بطريق وسبحان الله وثنه ودمه تقل يا خوك ثقيل لادور ممشا ومزامط وهجيج وبطح لالا أنسا عندهم هناك الأيرانين يسرحون بقارى ويرددونه بالقارى وبعدين كل الى جابوهن للكويت ضعاف حيل وتقل فيهن مرض الله يكفينا الشر قليل منهم الى تسلم وتصحى وانا والله شخصين أعرفلى رجال عجمى شراه تقريبن اربعين ناقه وهد فيهن فحل طيب وطلع انتاجه فوق الطيب بس للحين متأذى من سرحتهن والله يعينه عليهن بس عزالله فيهن زين مهو زين الا فوق الزين والله بس حلال العراق الى جاء من العراق الى عليه وسم اهله من العراق وسومهم طلعت طيبه وانا واحد من الى شرم ثلاث من حلال العراق قبل لايمنعونهن عزالله حلالك الى انت خابره ممشا وهجيج وزين ولف بدو الى يسرحون فيه مو مثل لاأيرانيه وكان تبى أخوى هملان معليك لأ انك تهيف على صفاة البل بالكويت وتلقى الايرانيه نطل بصفاة وطب وتخير وكل واحد له أراى وهذا رايى الشخصى واتمنا انى وصلت لك معلومه

[عبيد راشد المنصوري]

الاخ يوسف العتيبي

لاهنت يالغالي على عرض صورة الفحل الي مابعد شوفت مثل راسه


ومثل ماقال الاخ خالد أن لونه ورأسه ووجه خياار ولا فيه كلام


وما اقول الا الله يبارك لراعيه فيه ويمنحه منه ويرزقه


والله يعطيك العافيه وبيض الله وجهك


وتقبل تحيااااتي

[دغيليب البقمي]

الاخ يوسف العتيبي

لاهنت يالغالي على عرض صورة الفحل الي مابعد شوفت مثل راسه


وما اقول الا الله يبارك لراعيه فيه ويمنحه منه ويرزقه


والله يعطيك العافيه وبيض الله وجهك
موفق خير

[ابراهيم الجرباء]

الاخ يوسف العتيبى
مشكور وماقصرت
تحياتى

[عبدالله بن مطلق المزحمي]

ألاخ العزيز يوسف العتيبي

أشكرك على عرض صور الجمل وانت طلبت في العنوان رايي اهل النظر
وانا ودي اعطيك رايي في البعير مع اني لا احسب نفسي من اهل النظر

وانا قريت تعليقات اخوانا الاعضاء وجزاهم الله خير وضحو بعض الاشياء
ونسأل الله العظيم أن يبارك لراعيه ويرزقه من بناته

البعير فيه عذاريب اما قول بعض الاخوان ان البعير انهم ما بعد شافو مثل راسه
يمكن بالغو شوي

اول العذاريب
الساس غير معروف قالوا انه ايراني
الساس يا أخوان مهم مهم مهم جدا يعني لو جا عليه قعود وسألوك رجال عن ساسه وش تبا تقول
ثانيا.البعير لونه موهوب الوضاح المطلوب ركزو في الصوره
ثالثا.جرمه ردي
رابعا.رقبته قصيره مره
خامسا.موقع سنامه ركزو في الصوره
سادسا.جنبه قصير
سابعا.البعير قصير مره لاحظو طول ايدينه ورجليه
ثامنا.ذيله طويل

الحين نبا نشوف راسه
تصاغر راسه ككل
موقع اذنه لا باس فيها
خمشه غير طويل
أظن ان هامة راسه صغيره


يا أخوان الحكم على البعارين خاصه تراه صعب
والفحل لا قالو عنه الرجال موقف صعب
وكلمة بعير خيار ما هي بسيطه

,ارجو ان تاخذو ملاحظاتي بقبول منكم
وهذا رايي فأذا أخطئت فمن نفسي والشيطان
واذا اصبت فمن الله وحده


تحياتي

المزحمي

[ماجد العبدلي]

ما شاء الله عليه

[على التميمى]

الأخ يوسف العتيبى سلام عليكم

أنا اول مره أعرف أن فيه أبل وضح فى إيران

والهرش هذا إذا كان أمهاته وأخواته اللى جا منها مثله فعز الله بينتج مثله ولا فيها كلام

وقيمته اللى ذكرها الأخ خالد مهيب شىء رخيص بس ترا البعير هرش يمكن ما يضرب إلا سنه أو سنتين

مشكور ولا هنت

تحياتى

[احمد عبدالرحمن]

تبارك الرحمن والله يرزق مالكه

[ماجد الخالدي]

اولاً : يسرني المشاركه معكم ولأول مره

ثانياً: انا اؤيد كلام اخوي ابو مطلق المزحمي فيما قاله

وفي النهايه كلها تبقى اراء متبادله وتصب الفائده في مصلحة الجميع

لكم جزيل الشكر

[بدر العازمي]

البعير ايراني واضح
واللون كنه اشقح
الوجه طيب

[نايف السلطان]

ما شاء الله عليه