مرض الحظاه الي في الديد

[حمد محمد المنصوري]

السلام عليكم ورحمة الله وبركاته


اخواني الحظاه الي تظرب في الديد شوه علاجها ولا شوه سببها لان اكثر ابلي ديودها عطيب من الحظاه


الي عنده معلومه لا يبخل علينا جزاكم الله خير

[خالد العرجاني]

الحظاة تعطب الديد ولالاها علاج على مااعتقد

[علي بن حويل المري]

علاجها الكي
اكوالناقه على رجلها من فوق في راس الورك ب مطرق صغير تقبل تحياتي اخوك

[شجاع عمر الأكلبي]

ياخوان الحضاة نوع من أنواع الحسد


ولكن يجب على الواحد أن يحصن نفسه وأولاده وحلاله بالأذكاروالأدعية المأثورة في الصباح والمساء


تحياتي لكم

[حمد محمد المنصوري]

علاجها الكي
اكوالناقه على رجلها من فوق في راس الورك ب مطرق صغير تقبل تحياتي اخوك







لاهنت علي المرور اخوي علي بس الكوي اي رجل منهن الي من طرف الحظاه

[فهد القحطاني]

الأخ حمد المنصوري

أغسله بماء مالح حتى ينظف ثم خذ شحم شجرة الشري ثم أحشه داخل الحضاه وتركه وبعد اسبوع كرر العملية ثلاث مرات على حسب الحضاه

وتقبل تحياتي،،،،،،،

[خالد العرجاني]

الحضاة مالها علاج

[سعود الزيادي]

فيه علاج ياحمد واناء مجربه على ناقه عندي جاتها الحظات يوم لااقت .الجرح تسكر لاكن مكان الحظات بين ..

تروح للعطار واطلب منه ( شب التوت ) لون ازرق . بعدين خذ لك منه قد حبة القهوه حبتين الى ثلاث وحطها في ربع علبه

ماء صحه صغيره وخلهاء نصف ساعه بيتغير لون الماء اسحب بالابره منه 4الى5 سم وبعدين اسحب الابره عن البرواز وصب المحلول في وسط الجرح . داوم عليه من اسبوع الى اسبوعين .وان شاالله بتشوف اللى يسرك .

[حمد محمد المنصوري]

فيه علاج ياحمد واناء مجربه على ناقه عندي جاتها الحظات يوم لااقت .الجرح تسكر لاكن مكان الحظات بين ..

تروح للعطار واطلب منه ( شب التوت ) لون ازرق . بعدين خذ لك منه قد حبة القهوه حبتين الى ثلاث وحطها في ربع علبه

ماء صحه صغيره وخلهاء نصف ساعه بيتغير لون الماء اسحب بالابره منه 4الى5 سم وبعدين اسحب الابره عن البرواز وصب المحلول في وسط الجرح . داوم عليه من اسبوع الى اسبوعين .وان شاالله بتشوف اللى يسرك .




بيض الله ويهك اخوي سعود علي المعلومه الطيبه

والله يجزيك خير والله يا الحظاه انا لاعبه في الابل عندي اكثرها ديودها عطيب

[محمد علي الهدفه]

الأخ حمد المنصوري

اكو الديد دايري

[سعود الزيادي]

بيض الله ويهك اخوي سعود علي المعلومه الطيبه

والله يجزيك خير والله يا الحظاه انا لاعبه في الابل عندي اكثرها ديودها عطيب




وجهك ابيض ياحمد .الله ينفع بالسبب

[حمد محمد المنصوري]

الأخ حمد المنصوري

اكو الديد دايري


لاهنت اخوي محمد علي المرور والمعلومه الطيبه

[سامر الحربي]

الله يرفع عن ابلك مابها من اذى

والله يبارك لك فيها اخووي ,, تقبل مروري وتحياتي..

[حمد محمد المنصوري]

الله يرفع عن ابلك مابها من اذى

والله يبارك لك فيها اخووي ,, تقبل مروري وتحياتي..



مرحبا اخوي يا سامر لا هنت علي المرور الطيب

[فهد بن عالي]

علاجها سلمك لله عندي ومجربه في ناقه عندنا وبعد لله برية
( أكو دار مادار الحضاه)

[حمد محمد المنصوري]

علاجها سلمك لله عندي ومجربه في ناقه عندنا وبعد لله برية
( أكو دار مادار الحضاه)



لاهنت اخوي فهد علي المرور وبيض الله ويهك

[نايف الحميداني]

الله يكفي حلال المسلمين شر هالمرض

بس يااخوان انتم تطرقتم لعلاجها لاكن احنا نبي اسباب المرض لكي نقي حلالنا منه

انا والله يمكن 7 الي عندي فيهن حظاه لاكن الحمدلله فيهن الي بريأ وفيهن الي اداويهن الى الحين

الاخوان ماقصروو بعلاج الحظاه ولاكن فيه طريقه اخرى ولاكن متعبه هو شق الحظاه وتنضيفها الين يطلع

الصديد ويتنظف الديس بشكل جيد ومن بعدها تواظب بتطهير الجرح ومن ثم تتشافا باذن الله

وانا والله قال شايب راعي اباعر بس والله مدري عن علاجه هذا وهو يقوول والله مجربه بس انا مادخل راسي

هالعلاج يقوول اسحب 2 سم من الجره وزد عليها 3سم ماء واظربه على مكان الحظاه ويقول وحده بوحده

[عبدالله حمد هران]

حسب اعتقادي مالها علاج فعال

[عبدالله سعد العتيبي]

ان شاء الله ماتشوف الا كل طيب ويشفي ناقتك

[حمود العتيبي]

السلام عليكم
يا اخوان انا عندي نصيحه مهمه جدا
لاتنظف الحظاه بمراح اللبل الصديد الي ينزل من الحضاه معدي وسريع الاتنتقال والاحسن يكون هناك شبك منعزل تعالج الناقه المصابه فيه لان الناقه الي تبرك بمكان الناقه ام حظاه خطير تصاب
والوقايه خير من العلاج
والله ياقانا واحواننا المسلمين من كل مكروه

[فيصل بن مرخان]

الاخ حمد الحضاه معديه للبل
تحياتي

[عبدالله ابن بندر]

اغسل الجرح بماء الاكسجين تحصله عند الصيدلى ومن بعده احش الجرح بخوا جوا وتحصلها عند الحواج
وداوم عليها صبح وليل لمده لين اتشوف التغير عليها بأذن الله

[ناصر بن عيد]

الحظاة عبارة عن تليف ويتم إستاصله بيطرياً بعملية بسيطة
هذا ماقاله لي طبيب بيطري

[سليمان بن فهد]

علاج مجرب 2سم من الجرة داخل جرح الحضاة وبإذن الله تسلم

[راشد بن علي المري]

يربع صلو على محمد الحضاه مايبيلها شغله انا حصلت علاجها وحده بوحده بعد الله
نصحني شايب بدووي وحكيم ومشاءالله عليه ابله كلها سليمه من جميع الامراض
قالي اذا تبي الحضاه تروح من نفسها بدوون ماتعبث في الحضاه وتكووي
قالي روح العطار وخذلك كيلوين رشاد ولاتطحنه وخذلك كيلوثوم يابس وكيلوحبه البركه وطحنها وخلطها مع الرشاد والناقه الي فيها حضاه او نواجم او اي شي من الامراض الداخليه الي بعضكم مايدري عنها بس ماعليك الا تسوي لها كل يوم لقمتين تخلط معها الخلطه بمغدار بيالتين
وانا انصح اخواني اعضاء المنتدى انهم يجربونها وخاصتا الاخ حمد جربها وبتدعي لي انشاءالله انا جربتها قبل اربع شهور في ناقه عندي فيها حضاه وفيها ناجمه في حلقها والحمدالله افتكت منها كلها الحضاه كبرت عقب ماستمريت تقريبا عشر ايام وطلع مثل العين في ديد الناقه وكبرت العين وطلعت الحضاه كنها قطعت لحمه والحمدالله تسكرت الفتحه ورجع ديد الناقه احسن من اول بواجد والناجمه كذالك تحتت وبرها ونفتحت الناجمه وطلع الي فيها كله ورجعت كن ماطلع فيها ناجمه من قبل انصحكم ياخواني بذي الخلطه يا انها بتفيد ولاهي بضاره لنها اعشاب طبيعيه وانا مجربها والسموحه على الاطاله لان الافضل اني اشرح لكم