ياهل المعرفه.........

[محمد الراشد]

السلام عليكم ورحمة الله وبركاته

يالربع كيف حالكم جميع انا عندي جذعه مريضه من سنه وديتها لمستشفى الجامعه الي في الاحساء

وبعد الفحص والمعاينه قالو ناقتك معها مالطيه وقالو ملها عندنا علاج والحين من مر عليه مثل ذا المرض ولا يعرف له

علاج لا تبخلون علينا جزاكم الله خير

ــــــــــــــــــــــــــــــــــــــــــــــــــ ــــــــــــــــ

[علي بن حويل المري]

حياك الله اخوي محمد
انشا الله يفيدونك
الربع
تقبل مروري

[خالد العرجاني]

اخ محمد وش الاعراض الي في ناقتك للفايدة لاهنت والله يشفيها

[محمد الراشد]

يعطيك العافيه يا علي على المرور

وهلا بك اخوي خالد والاعراض الي في الناقه هي كالاتي :

1 - ضلاع في يديها الثنتين واكثر الضلاع في اليسرى ( مع العلم ما خليت علاج للضلاع الا وعطيته اياها )

2 - دقه قويه ضعف حال ضغيفه مره ( مع العلم اني عطيتا جميع الادويه الخاصه بالدقه إلا الملح الامريكي من حبوب إلى شراب )

3 - ضلاع في ارجولها من ورى تقول كن فيها كول وهي توها جذعه وانتفاخ في العرقوب الايسر ( مع العلم اني عطيتها علاج ولا نفع )

وملاحظه : ترا الناقه كان لقحه ويوم قرب ولادها وبقى عليه حول الشهر والنص اصعدت

[محمد مطير العنزي]

انشا الله يفيدونك
الربع
تقبل مروري

[فهد الأحمد]

ارحب يامحمد

اسال الله ان يعافي ناقتك

من اعراض المالطيه ان الناقه تبي الضل وحرارة الشمس تتعبها

هل تلاحظ عليها هالحاله؟

[محمد الراشد]

مرحبا بك اخوي فهد

الناقه ما تبطي واقفه من وجع قوايمها الاربعه

اما جيتها باركه ولا منسدحه على جنبها ولا لاحظت انا تبي الظلال

ــــــــــــــــــــــــــــــــــــــــــــــــــ

[فهد الأحمد]

يا محمد

عجمك بإذن الله ما فيها مالطيه