أصول الرد على من يطلب الراي في حلاله

[عبدالله بن مطلق المزحمي]

الاخوه الاعضاء

السلام عليكم ورحمة الله وبركاته

الله لا يهينكم على المشاركات الطيبه ومساعدة من يريد المساعده في الحكم على حلاله
وتوضيح الطيب والمطلوب في وقتنا الحالي من مواصفات المزاين

ونسأل الله ان ينفعنا واياكم ويرزقنا الرزق الحلال

ولكن في ملاحظه بسيطه لاحظتها في ردود بعض الاخوه ولا نشك ان شاء في حسن نيتهم
وهي انه اذا طلب احد الاخوان الراي في حلاله .تجيه بعض الردود جارحه شوي

مثلا قعودك ماله الا السوق الفلاني او دق على اللي يقصبون الحشو

ومن هذا القبيل وكما تعرفون ان الناس كلها حلالها عندها غالي وتحبه وشاريته بمبالغ غاليه
وجيها واحد يعذرب في حلالها ويقول اقصبه او انه ما يسوى الف ريال

يعني يقدر من يبدي رايه ان يوصل رايه بدون تجريح وبدون انه يغلط على راعي الحلال

ومناسبة هذا الموضوع اني قريت اليوم موضوع لاحد الاعضاء يطلب الراي في حلاله
ورد عليه احد الاعضاء بكلام حسيت انه في تعدي وجرح لمشاعر العضو وقمت بمسح الرد

وكذلك يقدر العضو الرد اذا ارسل له احد الاعضاء رساله خاصه ان يتكلم من دون قيود
ويبدي رايه بكل وضوح ولكن في حدود الادب

ويعلم الله اني وجدت في هذا الموقع حسن المعامله بين الاعضاء والاحترام المتبادل
اللي ما تجده في كثير من المواقع وهذا من فضل الله سبحانه وتعالي
ثم تعاون الجميع من مسئولين ومشرفين واعضاء

واسمحولي اذا اخطئت او جا مني تقصير

اخوكم ومغليكم

عبدالله بن مطلق المزحمي

[محمد مطير العنزي]

كلام حلوو وبمحلة لا هنت

[سامر الحربي]

لاهنت اخووي


وارجو تثبيت الموضووع للاهميه والفائده

[عبدالعزيزالشتوي التميمي]

بيض الله وجهك ياابو مطلق

[علي ال مرعي]

كلامك سليم ميه في الميه وانا ايده بقوه والمشكله ان فيه ناس تحكم على المطيه وانا ماني عارف شلون تحكم لان الصوره تكون ماهي واضحه وتشوف واحد يرد يقول مطيتك هذي قصب وبعده يبتل معه كم واحد على نفس الرأي والاستشاره ذمه لان فيه ناس ماعندها خبره مره ويعتمد على كلامنا لذلك اذا كانت الصوره ماهي واضحه او ماقدرت تحكم عليها منت مجبور تعطي رايك.

ولاهنت يالمزحمي على الموضوع وارجو من زملائي ان يتقبلون ملاحظتي بصدر رحب.

[ماجد السهلي]

كلام جميــــل واحساس اخوي

بيض اللـه وجهك اخوي عبداللـه...

[راشدالمري]

بيض الله وجهك ياعبدالله
كلام جميل وفي وقته

[فيصل محمد الحقباني]

بيض الله وجهك ياعبدالله


الله يجزاك الف خير

[عبدالله بن ناصر المري]

جزاك الله خير
كلام صحيح

[علي بن حويل المري]

جزاك الله خير وموظوع في محله وارجو التثبيت للمصلحه العامة

[عبدالله عبدالعزيز]

كلامك ممتاز وعين العقل كثر الله من امثالك

[فيصل النعيمي]

لاهنت اخوي عبدالله

طرح يستحق الإشادة

والله يجزاك الجنه


تقبل التحيه

[مسعود العماري]

لاهنت اخوي عبدالله على التنبيه

والحرص الدائم على الرقي بالمنتدى

ولي اضافة بسيطة ***

ارجو من الشخص طالب الاستشارة توضيح الهدف من المعروض

( للمزاين-للانتاج-منايح)

وهذا الكلام منقول من موضوع للزميل الرائع/ عبدالرحمن بن عبدالعزيز

والذي افتقدناه الشهرين الماضية وعسى المانع خير يا ابو خالد

http://www.mzayan.com/vb/showthread.php?t=3511


السلام عليكم ورحمة الله وبركاته

يتذمر بعض الأخوان من الردود عندما يطلب المشورة في أي صورة يقوم بعرضها وطلب الرأي فيها !!
حتى إن البعض أشار إلى هذه النقطة للإخوة المشرفين ونصح بعدم الإكثار من العذربة في المطية لكي لا تجرح شعور صاحب الشأن

وانا اعتقد المشكلة تكمن في :
أن الإخوان في المنتدى عندما يطلب منهم المشورة يقارنون المعروض بالوضع الأمثل للمطية أي بأفضل ما يمكن وصفه وهذا غير منطقي ولا ألومهم بذلك لان الهدف من العرض غير واضح ولم يحدد من صاحب الصورة

فانصح جميع من يعرض أي مطيه أن يحدد رغبته أولا وعلى سبيل المثال اذا كان المعروض ناقه فهل هي :
للمزاين - للإنتاج - للحليب

وذلك لتلافي أي سواء فهم ولتكون ردود الإخوان أكثر منطقيه واقرب للواقعيه
مجرد ملاحظه أردت أن أسوقها للإخوة الأعضاء

وتقبلوا تحياتي





Online iPhone Screensaver - be the first to win!

myscreensavers.info/media/iphone.scr

[محمد الراشد]

بيض الله وجهك ياعبدالله

كلام جميل وفي محله


ـــــــــــــــــــــــــــــــــــــ

[نايف الحمدان]

الله يجزاك خير ويرحم من جابك

[عبدالله بن مطلق المزحمي]

الاخوه الاعزاء

نشكركم على المشاركه ونسال الله ان ينفعنا واياكم

[عبدالرحمن احمد اليوسف]

بيض الله وجهك ياابو مطلق

[محمد الدويش]

بيض الله وجهك ياابو مطلق

[على التميمى]

كلام صحيح100% اخوى ابو مطلق

جزاك الله خير

[جدعان الجدعان]

السلام عليكم ورحمة الله وبركاته

لاهنت وكلام طيب وصحيح الكل عنده حلاله غالي واذا كان في شي من باب النصح يرسل فالخاص ابرك واخير
وتقبل تحياتي .

[بندر الجنيني]

احسنت كلام مئه في100

[جاسم الدوسري]

ما شاء الله حكيم يا المزحمي

[نواف السليس]

مايحكم على المطيه ياخوان الا الوقوف امام المطيه

لو نرجع للكلام الصحيح ولاهنت اخوي ابو مطلق


ولاهنت وكلام صحيح ولا عليه تعقيب

[طلال الروقي]

بيض اللـه وجهك اخوي عبداللـه

[حكيم الزمامي]

الله يبيض وجهك

[عبدالله بن مطلق المزحمي]

الله لا يهينكم

[مسعود العماري]

للتأكيد على الملاحظات التي تفضل بطرحها الزميل عبدالله المزحمي

وعدم التجريح والاستهتار بطالب الاستشارة

مع العلم اننا سنضطر مأسوفين لشطب عضوية من يتجاوز الاصول المذكوره اعلاه

ودمتم في رعاية الله

[عادل الفهد]

الاخ عبد الله المزحمي كلام جميل وراقي احسنت وفعلا يجب ان ان يكون الحوار والتعليقات باسلوب جميل ليس فيه مجامله او تجريح والقصد الفائده ولك تحياتي

[عبدالله بن مطلق المزحمي]

نسأل الله ان يعين ويرزقنا واياكم الفائده وحسن التعامل مع الاعضاء

[محمد الروقي العتيبي]

الله يجزاك خير وتسلم على الكلام الطيب

[رجا ال بريك]

لاهنت على الموضوع

[محمد الوهبي التميمي]

بيض الله وجهك ولاهنت عل التذكير وانا ألاحظ التجريح في من طلب الاستشارة وعلى حسب علمي من استخدم التجريح لأضحاك الناس لايملك الاستشاره ولايعلم الزين من الشين فطالب الاستشاره فالغالب يكون من مبتدئين مربين الابل ويحتاج لدعم والتشجيع والوقوف جانبه خصوصا في منتدى مزاين وهو يعد المتخصص في العالم كموقع الاكتروني قبل ايام طرح استشاره من عضو جديد وللأسف كان التجريح اسبق لنقد وللاطلاع عل هالرلبطhttp://www.mzayan.com/vb/showthread.php?t=37642 وانا متأكد ان العضو صابه احباط من هالتجريج

[سعد الحائلي]

السلام عليكم
مساك الله بالخير حبيت اسالك عن تجربه الناقه الوفا هل هي تنتج مع العلم
الخد مقوس والخشم مائل
والسؤال الثاني البعير اذا كان ساسه طيب هل غلظ الرقبه يأثر في انتاجه
ولك جزيل الشكر

[بندر الرويلي]

بيض الله وجهك وصدقت الناس كلاً حلالها عندها غالي وتحبه:mwalat40:

[عبدالله بن مطلق المزحمي]

وعليكم السلام

اخ سعد الحائلي

الوفا تنتج واكثر انتاجها يجي سليم

اما سؤالك الثاني

نعم له تأثير لان كما ان الساس له تأثير كبير على الانتاج
كذلك الاب وصفاته تظهر عندك في المراح

[عبدالله بن مطلق المزحمي]

الاخ بندر

ووجهك ابيض