سؤال مهم للفايده العامه؟

[عبدالهادي الجلاب]

ويش السبب اللي يخلي الناقه تهدر مثل البعير مع انها لاقح ؟

[محمد بن شريه المطيري]

هلا بك يا عبدالهادي

لاقح ؟؟؟؟

والله ما عندي خبر يا عبدالهادي بس المعروف ان اللقحه ما اتهدر اتوقع السبب قد يكون ( فسقه ولعب مع الأبل )

اذا كانت لقحه

او قد تكون ماهي لقحه ومعشش وهذا المعروف لدا الناس لان اللقحه لا تهدر ولا ترغي من شي .

[عبدالهادي الجلاب]

مشكور اخوي محمد على المرور

[خالد سيف السيف]

الناقة وش وضعها ياعبدالهادي !!؟

هل هي كسوب والا خفوت والا وش وضعها قبل اللقاح !!!؟

انا عندي ناقة صنيع خفوت مات حوارها بالربيع وقامت تهادر وتعافر الفحل ( الفحل اللي عندي قعود ثني )

وتهادر ، وعقب ما عشرت عليه خف المهادر ولكنها لازالت تهادر ، والناقه عندي متعافيه من الشحم

وهقيت انها فسقه

وتقبل مروري ,,,

[سلطان المطيري]

والله انا كان عندي ناقه لقحه وتهدر مثل البعير وكانو يقولون انها حايل
المهم الناقه جابت قعود والحمدلله وهذا يعني ان هدير الناقه اللقحه طبيعي ومن الفسقه على قولت اخوي ابو مشاري

[خالد العرجاني]

قد يكون ( فسقه ولعب مع الأبل )

[فهد بن عبداللطيف بن شديًد]

على هالطاري انا عندي بكرتين لقية وحقه ويهدرن ولا ادري هل هديرهن فسقة ولعب والا يبن الفحل
وهل هديرهن على المعاشير يضراللقاح

[ناصر معجب العاطفي]

على هالطاري انا عندي بكرتين لقية وحقه ويهدرن ولا ادري هل هديرهن فسقة ولعب والا يبن الفحل
وهل هديرهن على المعاشير يضراللقاح

فهد البكار أذا هدرت ميسارات وتبي الفحل

[فهد بن عبداللطيف بن شديًد]

مشكور ياناصر والله لا يهينك على كل حال