البعير وصل الى سن رباع ولم تعشر منه ولا ناقه

[سلطان المطيري]

يا اخوان
فيه بعير عن احد الاصدقاء شاريه حوار ايام الرخص بسبعين الف ريال
ولاكن القعود وصل الى سن الرباع ولم تعشر منه ولا ناقه فيه واحد من جيرانه قال ان عنده ناقتين عشرت لمده شهر وبعدين فيخن
لاحظت انه اذا ضرب الناقه ما يطلول يمكن دقيقه او دقيقتين فقط
ما الحل يا اخوان

[محمد بن شريه المطيري]

حياك الله يا ابوخالد
وانشالله اني اقدر افيدك

البعير استشمال مهو كثر ضراب بمعني البعير طالما اشتمل على الناقه فهو ضرب ضراب صحيح

والسنه هذي الناس تشتكي من العشار اغلب الناس يضرب ولا يشعر عنده شي

انا من رمضان اضرب الأبل وولاعشر عندي الي ثلاث نياق والتفييخ واجد

بس اذا صاحبه ضرب وعشرن عليه ثنتين وثبت عشارهم فالبعير مافيه الي العافيه
والتفييخ من الناقه ماهو من البعير البعير تنتهي مهمته مع الناقه من تشاول وتأكد عشارها
اما اذا ما عشر عليه شي فهاذي مشكله

والمشاكل التي يجهلها البعض اللتي تضر ذكر البعير هي التكسيب قبل مدت اربعين يوم
او تضريب الخفوت قبل اربعين يوم وهذي المشاكل تضر البعير الي تدرجت انه تعقمه او تقتله

واتمني ان اكون وففقت

والاخوان لهم راي ثاني

[مسعود العماري]

مرحبا يا سلطان

به بعير ما القح الا سديس وسومه غالي جدا من قبل ما يلقح


*****

فأنا اعتقد انه طالما انه القح ثنين فقط فهو بحاجة لهرمونات تباع في الصيدليات

وكذلك تغذية سليمة ومتوازنة ويضاف لها بعض الفيتامينات وخاصة السيلينيوم ( ارجع الى احد الاطباء للافادة اكثر)

والله يمنح راعيه منه

[سلطان المطيري]

شكرا اخواني الكرام
ابو مشاري
والاخ مسعود العماري
وسوف انقل ما افتوني به بالحرف لصاحب البعير
والله ينفع بكم المسلمين

[فلاح لافى]

عطة عسل مع حليب الخلفات وانشالله انه يلقح بس يبيله وقت

[حاصل اليامي]

للامانة
نقلا
عن الاخ شجاع الاكلبي
يقول اخلط له مع الشوار حب رشاد يوميا وتشوف النتيجة اللي
تسرك باذن الله

[فيصل بن مرخان]

الاخ سلطان
عدم القاح لعدة.... ولا يخفاك ...ان البعير الثني لقاحه ضعيف.. أقصد السنه الي راحت ..والبعير الضعيف ضرابه ضعيف ..
ومنها اسباب كثيره ...والنياق لها اسبابها .....وصحيح من سنتين والناس تشتكي من قله القاح
اخوك