ابل باكستان؟

[منصور بن محروت الوائلي]

يا جماعة الخير

بغيت انشدكم عن اوصاف البل الباكستانية

قصيري ولدت له ناقة من شهر وينشدني عن الحوار الأصفر كانه باكستاني ولا لا؟

والحوار طيب بالحيل

وانا ما لي بالبكستاني

افيدوني يا جماعة الخير..


وشكرا لكم

[محمد بن شريه المطيري]

اخوي الحوار ما شفناه
وياريت تعرض لنا الصوره
لنقدر نفيدك انشاءالله

وبالنسبه للبكستاني

مواصفاته جبر العضم الطول الجنب العريض
السبال الزايد عن حده
الونها تجي مجاهيم صفر حمر زرق

وجي بعضها اجرد الوبره

[عبدالرحمن المقباس]

السلام عليكم ورحمة الله وبركاته
اخوي منصور الابل الباكستانيه وهي حيران يصعب معرفتها الا بطول الزردوم والسبال غير العاديه بطولها اما اذا كبرت فاهم ما يميز الباكستانيه هو كبرها الكبر الواضح ووسع النحر كثيرا ما تجد الابل الباكستانيه وسيعة نحر الا ما ندر وهي على وسع نحرها رديئة الممشى فتجدها في اخر الابل لكن اصبر على حواركم الى ان يكبر وبيبين
والله الموفق

[بدر العازمي]

مثل ماقال الاخ عبدالرحمن
والله الموفق
,,,

[منصور بن محروت الوائلي]

شكرا لكم

واتمنى تعطوني اوصاف اكثر

[علي ال مرعي]

الباكستاني يجيك علباه دقيق مره واذانيه منفهقه حيل وصغار وتراه على انه خرطومه طويل واسباله ضافيه لكن شكله ما هو مقبول عند اكثر هل البل .

[خالد العرجاني]

مع الاخ علي

[منصور بن محروت الوائلي]

جزاكم الله خير

والرجال نشد وقالو له ابوه باكستني امغر

وشكرا لكم اخواني وجزاكم الله خير

[تركي القريني]

هذي صورة ناقة باكستانية صفر مجاهيم

شاهد الفرق بينها وبين ابل الجزيرة العربية




http://www.mzayan.com/vb/images/uploads/924_1221447acd91c43dad.jpg


وهذي صورة لناقة من ابل الجزيرة العربية




http://www.mzayan.com/vb/images/uploads/924_1247747acd9a7e1709.jpg


طبعا هذي من أبل المشرف فالح بن بدن السبيعي

[منصور بن محروت الوائلي]

الله يجزاك بالخير يا اخوي تركي

واللحقيقة ان ذا الناقة زينها زايد لدرجة احس انها مبو طبيعية

وشكرا للاخ تركي القرني