الناقة ورحمها(الله يعزكم)

[محمد العنبسي]

السلام عليكم ورحمة الله وبركاته أخواني الاعضاء هذا اول موضوع اكتبه وابي نصيحتكم في موضوعي .(الله يكرمكم) رحم الناقه كنه نازل ولاادري ويش المشكلة وكلمت دكتور في الرياض علما اني من اهل الدمام وقال جوعها واكلها تبن (الله يعزكم)والناقه لقحه وقدهي مقرب..ولانستغني عن شوركم وارائكم واذا فيه احد مجرب علاج اوطريقة ونجحت معه لايبخل علينا بيض الله وجيهكم جميع ..وانا مرفق صوره للناقة من موخرها (الله يكرمكم)

http://www.9m.com/Download/36472977/99.html

http://www.9m.com/Download/29554377/88.html

[شجاع عمر الأكلبي]

أرحب يالعنبسي


فيما يظهر لي من الصورة ناقتك مافيها خلاف وهذا شئ طبيعي يحدث مع بعض الإبل عند قرب الولادة


تحياتي

[منصور بن محروت الوائلي]

الناقة اذا قربت بيوم ولا يومين ما تاكل الا شي بسيط يقويها

وناقك ما عليها وانا ما اشوف الموضوع له علاقة بالرحم..؟

شكرا لك وعلى اهتمامك بابلك

[محمد الراشد]

كيف حالك اخوي محمد

إذا ناقتك ماتسرح ( ما تطلع من الشبك )

خلها تسرح وتشوف التحسن فيها انشاء الله

هاذي حصلت مع واحد من الربع كان ابله في شبك

وخلاها تسرح يوميا وفقد انتفاخ الرحم

[خالد العرجاني]

مع الاخ شجاع

[خالد العرجاني]

اخوي محمد مساك اللة باالخير الناقة شاريها من قريب ولا من ابلك

[حاصل اليامي]

مع الاخ شجاع
عندي وحدة مثلها بالضبط وولدت ولا فيها الا العافية..........

[عيدالمنصورى]

تهدل المهبل وضع طبيعي عند قرب الولاده

[محمد العنبسي]

تبقى وتسلم ياخوي شجاع وبيض الله وجهك .
اخواني منصور الوائلي ,محمد الراشد,خالد العرجاني ,حمد اليامي ,عيد المنصوري ...بيض الله وجيهكم وجمّل الله حالكم ,ولاهنتوا على الفايدة اللي افدتوني بها ..لأن هذي اول مرة اشوف الناقه بالطريقه هذي .وافدتوني لاهنتوا.
اخوي خالد العرجاني ..الناقة مشتريها من شهر ونص.

[خالد العرجاني]

اخوي محمد الظاهر ناقتك من ابل السودان حيث ان ابل السودان حيا الناقة يكون كبير مثل ذاالشكل وناقتك مابها انشاء اللة اخلاف بس حاول انك تكون عندها اذا جت الولادة ولا يجرالراعي احوارها على طول يصبر عليها وسلامتك

[محمد العنبسي]

تسلم ياخوي خالد,والله لايهينك.....
والناقة ماني بداري ويش اصلها لكن يمكن زي ماتفضلت انها من ابل السودان لأن الراعي السوداني قال ان هذا اللي فيها عادي ويروح بعد الولاده.