البرسيم

[محمد مطير العنزي]

يا اخوان هل البرسيم يساعد علي زيادة ورم الضرع (بمعني اخر ) الخلقة اللي فيها ورم هل تعطي برسيم وهل اعطاء البرسيم يساعد علي زيادة الورم او اعطيها علف اخر بدون برسيم

[عيدالمنصورى]

نعم لانه يزيد من انتاج الحليب

[محمد مطير العنزي]

اخ عيد عيدك مبارك وكل عام ونت بخير وماقول لك الا الله يبارك لك بحلالك ومالك

[حاصل اليامي]

لاتنسى تمشي الناقة فهو يساعد كثيرا في تخفيف الخباش

[علي العرق]

القت يورم ديود البل اللي توها والده. ماهوب زين لها حتى يشتد جسمها من عقب الولادة وعقبها ان شاء الله انه ما يضرها.

ولك تحياتي

[محمد الراشد]

مرحبا اخوي محمد

الوريم من الشبك وعدم الحركه

خل الخلفات تمشي ولا تشوف انشاء الله وريم

والبرسيم يزيد من در اللبن والديد إذا ما نظف

من اللبن يسبب وريم .

خل راعي البل ينظف ديود الخلفات ولا عليك

عطها برسيم .

وهاذا من واقع تجربه ولا اخونا عيد ابخس منا