المساعد الشخصي الرقمي

مشاهدة النسخة كاملة : وش الحل مافيه لقاح

صالح البلوي
10 / 12 / 2007, 35 : 10 PM
ياجماعه وش الحل بالناقه اللي أطلقت عليها أكثر من مره ومالقحت
وحتى القطيع قطعت عنها ومافيه فايد وسمعت إن فيه أدوية إخصاب
اللي عنده حل بدوي يكون أحسن ولكم جزيل الشكر
محمد مطير العنزي
11 / 12 / 2007, 13 : 07 AM
دام انك قطعت ولا لقحت فية طريقة اخري اشوفهم يسوونها والله اعلم هي انك تقوم بطرد الناقة بالسيارة مسافة لا تقل عن 8 كيلو للين تتعب ومن ثم فك عليهااا الفحل
هذا والعلم عند الله
ابراهيم حمدان الحربي
11 / 12 / 2007, 47 : 06 PM
اقول ياخوي لاتستعجل على الناقة وعطها مدة13 يوم وان مابان لقاحها فك جمل ثاني غير الاول وتركها مدة ثمان ايام ومن ثم رد الجمل الاول عليها وان شاء الله انها بتلقح ولكن لاتديها ابرة الا في الحالات الميؤوس منها
وكثرة الضراب للناقة يضرها اكثر مما ينفعها
صالح البلوي
12 / 12 / 2007, 35 : 09 PM
بيض الله وجيهكم ومشكورين على الرد العاجل ونبي ننتظر ودعواتكم الله يرزق الجميع
علي العرق
15 / 12 / 2007, 39 : 08 AM
السلام عليكم
بعض المطايا ما يبين معها اللقاح الا عقب ثاني ولا ثالث اضراب بعد التقطيع منها. وعقب الاضراب حدها على البعير من 11 يوم واكثر. وبعض البل مايبين لك الا عقب 21 يوم وهذا بأمر الله.
ولك تحياتي
محمد الراشد
15 / 12 / 2007, 10 : 09 AM
صباح الخير اخوي صالح

اذكر واحد من الربع صار عنده نفس الحاله

واضربها في نفس اليوم بثلاث اركاب ولقحت

بأذن الله وهاذي طريقه افضل من العلاج والتطبب

والقاح علمه عند الله وهاذي كلها اسباب