الفزعه فالمخورم

[سعود الروقي العتيبي]

مخورم ديسها انتفخ وموخرها الايسر ماتشوف تحاليله من كبر النفخ.
وش علتها ؟

[حمد القبيسي]

السلام عليك يا سعود انا كانت عندي ناقه خلفه حلبتها فالليل ويوم أصبحت محالبها كلها منتفخه وسألت دكتور عندي
دوم استشيره وقالي جرب معها الماي الدفي والله ورحت وجربت معها أكمدها تكميد ثلاثة مرات في اليوم والحمدالله
طابت الناقه وخف الورم .

[محمد بن شريه المطيري]

اخوي الفازلين زين

والناقه بأول ايام ولادتها يكون ديدها مصموغ حليب يسمونه البدو صمغه يكون ثقيل

وراعي الابل لازم يحلبه ولو ينثره بالارض المهم انه يفضيه ثلاث مرات على الاقل

او الماي البارد او الدافئ

وخل الناقه تمشي ويتحرك الدم بالديد لانه الشبك له دور في نفخ ديد الناقه

[عيدالمنصورى]

مع ابن شريه والماء البارد

[بدر العازمي]

الدهن والفازلين زين
وغسله بالماء دافى

[محمد مطير العنزي]

لا هنتو الجميع كلامكم طيب ومعلوماتكم طيبة

[ناصر نايف الكريزي]

كفو ووفو الجميع
معاد عندنا كلام بعدهم

[سعود الروقي العتيبي]

ماقصروا الربع
لكن مافيه فايده , ماخليت عنها شي.

[طالب راشد المري]

انتبه لايكون نزر خل احد من الشيبان اللي حولك اواهل الخبره

يشوفها

[فرحان البهدل]

فيه ابره اسمها ديرزون عند البيطري هذي تخفف الورم مهما كان وانا مجربها ..

[سعود الروقي العتيبي]

يالربع الناقه مابقى لها شي على الولاده, واللي عرفته ان الابر مهما كان نوعها خطيره جدا.