البعير عقر اللقيه

[طالب راشد المري]

عندي لقيه عضها البعير في ثفنتها

احد قال حط فيه مسمار

واحد قال اخذ ابرة بنسلين من البيطري

واحد قال خلها وبتسلم

قلت اخذ رايكم

وتسلمون

[حمد القبيسي]

أخلطها ياطالب شوي سم البوش ودهن محروق وملح وحطه مكان الجرح . أو داوها بنسوار ترا النسوار وايد زين حق الجرح

[محمد بن شريه المطيري]

في دواء ازرق اشوف كثير من الناس تستخده للحروق
وعض الابل ويمدحونه انا ما جربته من قبل ولاكن الي اشوفه

[عيدالمنصورى]

نعم البخاخ الازرق افضل مايمكن استخدامه مع تنظيف الجرح انكان غزير

[طالب راشد المري]

الله لايهينكم

ويطول عماركم

[محسن حمد المري]

سلام عليكم أخوي طالب ما أدري الجرح عميق او لا اذا ما هو عميق فالدواء الأزرق كافي

واذا الجرح عميق فالذي انصح به ومجرب

1. صب في خشم البكره صن وبر عن الشمم ضروري
2. قشر رمان مطحون يوضع في الجرح وكافي ابد
3. اذا ما فيه قشر رمان أغسل الجرح بــمــاء وملح وبعد يوم من ذلك
4. صخن شوي زيت اكل وحط معه ملح وكــمـد به الجرح وكرره كم يوم

[شجاع عمر الأكلبي]

سلام عليكم أخوي طالب ما أدري الجرح عميق او لا اذا ما هو عميق فالدواء الأزرق كافي

واذا الجرح عميق فالذي انصح به ومجرب

1. صب في خشم البكره صن وبر عن الشمم ضروري
2. قشر رمان مطحون يوضع في الجرح وكافي ابد
3. اذا ما فيه قشر رمان أغسل الجرح بــمــاء وملح وبعد يوم من ذلك
4. صخن شوي زيت اكل وحط معه ملح وكــمـد به الجرح وكرره كم يوم




صح لسانك وسلم فمّك يابو حمد


رأيي من رأي أخوي أبو حمد فقد جربت وصفته وهي مفيدة جداً


تحياتي للجميع