شوركم وهداية الله عاجل جداً

[حوران العتيبي]

السلام عليكم ورحمة الله وبركاته
اخواني لقيت لي قعود مفرود مجهم وتقريبا لونه اصهب عند رجالٍ توه فارده عن امه ومهمله حاطه في حوش والقعود حاله ردي بالحيل وهو عارضه للبيع
وبحكم خبرتي القليله في المجاهيم حبيت آخذ رايكم فيه لاتبخلون علي برايكم علماً بانه مايعرف ساس القعود ويقول انه شاري امه وهي
لقحه ولايدري عنه ولاعن ساسه ويبي يبيعه

http://www.m-otaibah.net/uploads/b5ef4e829b.jpg (http://www.m-otaibah.net)
http://www.m-otaibah.net/uploads/b959ca3b70.jpg (http://www.m-otaibah.net)
http://www.m-otaibah.net/uploads/052375ff11.jpg (http://www.m-otaibah.net)
http://www.m-otaibah.net/uploads/e27c10a04e.jpg (http://www.m-otaibah.net)

[راشدالمري]

ارحب ياحوران
القعود وسط واذا هو رخيص اشتره وكد عليه واعرضه مره ثانيه لشباب لانه اذا سمن بيطلع على حقيقته
والله يوفقك

[حمد بن سنيد المري]

مثل \ماقال الأخ راشد

ولا نقدر نحكم عليه \وهو بهذه الحاله

وانت ورأيك

[طالب راشد المري]

الاخ العزيز حوران

انا عندي مبدأ فالقعدان هو

اما ان يكون القعود قاصب بالزين ولو جهل اصله وهو مايسمونه البدو هاد روحه

او يكون اصله يساعده ويهده اصله

ولا يطعم اماته

اما القعود اللي فالصوره شكله عادي جدا

[هادى بن سند]

القعود عادى جدا

[علي محمد سالم]

القعووود عاااااااااااااااادي جدا جدا

[بدر العازمي]

السلام عليكم
الاخ حوران القعود ضعيف
مايبين الحين اكرمه
واعرضه مثل ماقالوا الربع
واذا قيمته رخيصة اشتره والله الموفق

[حاتم العماري]

إذا القعود رخيص اشتره وركز عليه العلف وخلال أشهر قليله سيتبين لك أكثر
جنبه زين ولكن أخشى ان سنامه سيكون متقدم وربما مسافله دقاقه
وفقك الله

[علي العرق]

ان كانك شريت فالله يربحك.
وان كان العلم عاد فيه اخذ وعطا فتركه الا اذا انك تبي تربح من القصاصيب.

وتقبل تحياتي

[شجاع عمر الأكلبي]

وجهة نظر خاصّة


القعود بيّن ولافيه رق زين ودّه يزين حاله ولا على حاله ذا واضح تقدّم سنامه وكل مافيه من شخوص عاديّة


تحياتي لكم

[محمد الراشد]

كيف حالك اخوي حوران

القعود ضعيف والضعف يشين

جرمه عادي وراسه صغير

له اطيمس زين بس صغر الراس ما ساعد

وقصر جلم اللحي

وهاذي وجهة نظري