يالربع وش السواة ؟؟

[ماجد العنزي]

السلام عليكم ورحمة الله وبركاته .


كيف حالكم يالربع .. بغيت استفسر واسآل ..

عندنا حوار عمره الحين شهر ويومين يوم كان عمره 20 يوم جاه بلىا ماندري وشو ..


والحوار معد يقدر يقوم وصار له الحين 12 يوم بارك ولا يقوم نرضعه برضاعة وهو بارك ..

جبنا بيطري لاننا نحسب ان فيه كسر ولاكن مافيه كسر .. ؟؟

اللي واجه نفس الحاله او عنده خبره ياليت يدلنا على العلاج ..

وعسىاالله يوفق الجميع

[طالب راشد المري]

اخي العزيز ماجد

اتوقع حوارك فيه نزي وله كي بس ماينفع الا الي يكتشفه ويكويه على طول

لاكن عيد المنصوري بيمر وعنده دواء للحاله

الله يوفق الحميع

[ماجد العنزي]

ولله الحمد كوينآه وتحسنت حآلته ..

قام يركز راسه وحالته تحسنت بشكل وااضح ..

لاكنه للآن ما يوقف نوقفه بعض الاحيان ونضل ما سكينه ويضل شوي ثم يرتجف جسمه ويرجع يبرك ..

ما يوقف على رجوله كلها >> اشك في انه خآيف من وجع المفآصل ؟؟

لانه صار له 12 يوم بآرك ولا قام !!

ارجو المسآعده ولكم تحياتي

[فيصل بن مرخان]

الاخ ماجد هذي ليونه ولاكن غريبه تجي لحوار في عمره ولاكن ممكن كان يذرق وفقد كثير من جسمه وضعف
انصحك بمعوضات موجوده على شكل بودره تجي في قصادير وتحط مع الماء
ويعطى محلول معوض املاح وهو مثل الماء او المغذي
ويضاف اي دواء خاص في اليونه
والله اعلم

[محمد الراشد]

كيف حالك اخوي ماجد إذا رفعت الحوار تبيه يوقف

ما يوقف ولا يقدر يرفع راسه هاذا (( دوام ))

تشوف اقرب بيطري وتقوله ابغي دوا للدوام

ولا على اخونا عيد تعدي هو ابخس منا في العلاج

بس من واقع التجربه

[ماجد العنزي]

راح اجربها بإذن الله ..

ولاهنتو على المسـاعده والتوجيه ..

بيض الله وجيهـكم جميـع ..

لكم تحيآتي جميـعـاً

[مسعود العماري]

كيف حالك اخوي ماجد إذا رفعت الحوار تبيه يوقف

ما يوقف ولا يقدر يرفع راسه هاذا (( دوام ))

تشوف اقرب بيطري وتقوله ابغي دوا للدوام

ولا على اخونا عيد تعدي هو ابخس منا في العلاج

بس من واقع التجربه

الاخ/ ماجد

يجب ان تحدد مكان المشكلة

هل المشكلة ان الحوار ما يثبت راسه ؟

فهذا مثل ما قال الاخ/ محمد الراشد دوام

وحسب كلام البيطرين انه التهاب في الراس ويعالج بالمضاد الحيوي ( الترمايسين)

والعامة يعالجونه بالكي(صليب على الراس) لكن ابدا بالوصفة البيطرية اولا

*******

واذا المشكلة انه ما يقدر يوقف على يديه فهذا لين في العظام وعلاجه موجود عن البيطري وشخصيا


جربت فيتامين B12 عن طريق الفم بالاضافة للمغذي البشري (الاملاح)



****

[ماجد العنزي]

مسعود العماري < لا هنت يالغالي وابشرك ان الحوار قام بالعافيه والفضل لله ثم لـ محمد الراشد اللي دلنا على العلاج الصحيح اللي هو علاج الدوام

عسىا الله يوفقكم جميع ..
لكم تحياتي يالقروم