كيف تجهيز شعرة الناقة للمزاين

[عبدالعزيز المحمد]

السلام عليكم ورحمة الله وبركاته

كيف الحال يالربع ويهنيكم الحيا ياهل النعيرية فال خير انشالله والي جاي اكثر
عندي استفسار ياخواني عن الجلال
انا راعي عمانيات والحين وقت مزاينات كثيرة ولنا انشالله نية فيها ان الله راد لكن السوال عن الجلال هل يفيد شعرة الناقة لان الي اعرفه ان الجلال يزين شعرة المجهم ويعطيها لون سواد اكثر لكن في العمانيات هل هو مفيد
لاني حطيته ايام الصيف عليها ولا حظت انه الناقة الشقرا تقلب عليه اغمق يعني تصير حمرا والحمرا تصير صفرا او خمرية هل هذا صحيح
ابا اسئل مجرب
انا مقبل على مزاينات وابي حل لشعرة الناقة اتعدل وتزين
يعني ياليت تعطوني خطوات امشي عليها
واسمحولي على لاطالة

[محمد مطير العنزي]

الله يوفقك وفالك التوفيق

[محمد العطاوي]

أخوي عبدالعزيز ..
أنا ماعندي معلومات كثيره وخصوصاً الجلال ماقد جربناه على حلالنا لاكن من باب المشاركة بالرأي أقول ..
البرسيم تزين معه وبرة الناقة

تحياتي

[طالب راشد المري]

عليك بالجلال المتين

والسبوح فالشهر مره اما صباح ولا مساء واحذر منه فالشتاء

وفيه شامبو تسخدمه فالسبحه ماقبل المزاين وهو شامبو العبايات الأجمر

القت مهم كذلك

واذا بيحصل للناقه المشاركه حليب البل الزايد فلا بأس

والله يوفق الجميع

[محمد بن شريه المطيري]

الاخ طالب ما خلا شي انقوله

[حمد بن سنيد المري]

أنا أضم صوتي لصوت طالب

والله ولي التوفيق

[عبدالعزيز المحمد]

مساكم الله بالخير جميع
مرحبا يامحمد ولاهنت طال عمرك على المرور وفالك وفال الاخوان انشالله التوفيق
مرحبا يالعطاوي وشكرا وتقبل تحياتي لمرورك
هلا يابن شرية الله لايهينك ولايهينه طالب معودنا
ارحب يابوراشد كفيت ووفيت يامحلفي وبيض الله وجهك الا بغيت اسئلك الشامبو وش اسمه بالضبط ؟؟
مرحبا يابن سنيد التوفيق للجميع انشالله الله لايهينك على المرور
وبيض الله وجيهكم اخواني
بس هذا موب معناته اكتفيت ...لا نبغي مشاركات
وتسلمون على المرور

[نواف بن جندل العازمي]

اجابه للاخ عبدالعزيز المحمد وللاخوه عامه

الشامو هو شامبو البراقع

الشامبو الاحمر

وتجده عند العطار (الحواج)

[بندر العجمي]

الله يوفقك وفالك التوفيق

[بندر مطر البقمى]

بسم الله الرحمن الرحيم
الاخ عبدالعزيز الاخوان كل واحد ادلا بدلوه وماقصرو
احب اضيف بعض النواقص التي لم يتطرقون لها اخواني
1=يجب ان لاتنسى تعطي المطيه ابره فتمين مركب شامل
2=اعطاءها ابره الجرب الامريكيه او الفرنسيه القديمه الي الان برازيليه
3=ابعاد الناقه قدر المستطاع عن البحر حيث الرطوبه لها الدور الرئيسي في قلب اللون مسافه 100 وأكثر
4=قبل المزاين بيوم او يومين سبحها بشمبو الخيل خاص للخيل تجده عندالصيديليات البيطريه
5= انتبه بعض مياه المزارع كبريتيه تجنبها وتعرفها من ريحه الماء القويه
6=كما ذكرو لك الاخوان الجلال الكامل= والبرسيم لمده شهر=تسبيح شهري=
واتمنا مانسينا شيئ وان حصل الخوان هل الخبره ماهم بمقصرين بيشاركون

[عبدالهادي الجلاب]

اخوي انا حسب ما اعرف ان النخاله تزين وبر الابل

[طلال عبدالله الشامسي]

السلام عليكم بخصوص الرطوبه ما تأثر على وبره العمانيه على عكس المجهم كما ان هناك شامبو للإبل ستجده في العيادات البيطريه و المكعبات و كذلك الفيتامينات الموجوده في العيادات البطريه كلها مفيده

[عبدالعزيز المحمد]

نواف العازمي
تسلم على المرور

[عبدالعزيز المحمد]

لاهنت يابندر والله يوفق الجميع

[عبدالعزيز المحمد]

بسم الله الرحمن الرحيم
الاخ عبدالعزيز الاخوان كل واحد ادلا بدلوه وماقصرو
احب اضيف بعض النواقص التي لم يتطرقون لها اخواني
1=يجب ان لاتنسى تعطي المطيه ابره فتمين مركب شامل
2=اعطاءها ابره الجرب الامريكيه او الفرنسيه القديمه الي الان برازيليه
3=ابعاد الناقه قدر المستطاع عن البحر حيث الرطوبه لها الدور الرئيسي في قلب اللون مسافه 100 وأكثر
4=قبل المزاين بيوم او يومين سبحها بشمبو الخيل خاص للخيل تجده عندالصيديليات البيطريه
5= انتبه بعض مياه المزارع كبريتيه تجنبها وتعرفها من ريحه الماء القويه
6=كما ذكرو لك الاخوان الجلال الكامل= والبرسيم لمده شهر=تسبيح شهري=
واتمنا مانسينا شيئ وان حصل الخوان هل الخبره ماهم بمقصرين بيشاركون

مرحبا ومسهلا مرحبا يبومطر
لاهنت ولاهانوا الربع كلهم كلن باسمه
وتسلمون على كل حال
ومنكم انتعلم وبيض الله وجيهكم وانت بالاخص يابومطر
وناخذ بالاعتبار نصائحكم وعسى من الله التوفيق

[عبدالعزيز المحمد]

حيالله الشامسي

مرورك يكفي وشفة ردك انت والاخوان يسوى كثير

[نواف الحربي]

بارك الله فيك

ولا تنسى الحلاقة والتمشيط

فهي مهمة وتظهر جمال الناقة

حلق الرقبة والغارب بطريقة غير واضحة

وتمشيط شعوف الناقة الى الخلف لتظهر السنام بشكل جميل

و يحرصون على حلق كامل الرقبة لتكون جردا

حتى الذيل يقص بطريقة متناسقة ويمشط

واستخدم امشاط الخيل تجدها بالصيدليات البيطرية

شنطة كاملة

اضافة مبيد للغسيل من الجرب والقملة والقراد

ويظهر الناقة جميلة ونظيفة

عند الغسيل خل الابل في شبك ضيق عشان ما تتمرغ

واذا نشفت فكها

وركز على الحلق واحرص مايكون ظاهر

[عبدالعزيز المحمد]

تسلم الله لايهينك
بس اشلون التحليق بالضبط
فيه ناس تقول حلقها زيرو مكينه الصيف والشتا تزين

[عبدالعزيز المحمد]

هل السم (الجارة) تفيد تحسين الوبرة
ووش الي يخلي الوبرة ناعمة وقصيرة ماتطول
وياليت توصفون لنا فيتامينات ولا ابر تفيد في تزين المطية
نبي مشاركاتكم حتى تعم الفائدة للجميع
تجاربكم
وتسلمون

[محمد حمد المري]

السلام عليكم ورحمة الله وبركاته الخطوات 1-الجلال 2- مظله 3- نقع البرسيم عندها4- سبوح كل شهر مره بالليل 5- عليك بالذره الصفرا مع لقام لان الناقه إذا عرقت بهاا كلهاا دهن يخلي الشعره تلمع (وفاااااالك النامووووس إنشاءالله)

[عبدالعزيز المحمد]

وعليكم السلام ورحمة الله وبركاته
مرحبا يا بوحمد تسلم على المشاركة
الذرة حب ولا مرصوص بالمكينة (رقائق ذرة)
وليش الغسيل باليل
حتى تعم الفائدة نحيي النقاش
وتسلم

[عبدالعزيز المحمد]

وين الاخوان وين الاعضاء
والمشرفين لاحد يبخل علينا برايه
الموضوع للجميع وله الاجر انشالله

[عبدالعزيز المحمد]

مافيه ولا مشاركة