صورة الحوارة التي ذكرت لكم

[سعود بن منصور القحطاني]

[فقط الأعضاء المسجلين والمفعلين يمكنهم رؤية الوصلات][/url][/img]

السلام عليكم هذي صورة للحوارة التي اشتريتها من صاحب لي وهي صيفية وامها مرية سن وعليها سوم 5000الاف
فاريد راي الخبراء فيها :)

[سعود بن منصور القحطاني]

[فقط الأعضاء المسجلين والمفعلين يمكنهم رؤية الوصلات][/url][/img]
[فقط الأعضاء المسجلين والمفعلين يمكنهم رؤية الوصلات][/url][/img]
للمعلومية الناقة وبنتها ضعاف بالمرة لان صاحبي قليل مال واحتاج لبيعها ولها عندي اسبوعين وهو شاريها من منطقة جودة وعليها وسم ال مرة

[سعود بن منصور القحطاني]

اعطوني رايكم ياهل الخبرة

[زاهر العرجاني]

اخ منصور الله يربحك ويبارك لك فيها

لكن الصوره ماطلعت

[جاسم الجربوعي]

سعود القحطاني

مشاء الله تبارك الرحمن والله يبارك لك فيها


البكره زينه ومتعديه الزين من ناحية الراس ولسبال وبتزين اكثر اذا قدت حقه


وهذا رايي الشخصي من واقع خبرتي في الابل


وتقبل تحيااااتي

[خالد عبدالله السبيعي]

سعود القحطاني

مشاء الله تبارك الرحمن والله يبارك لك فيها

اصبر عليها وان شاء الله تتظهر أكثر وتزين أكثر

هي توها مفرودة ولا تستعجل الحكم عليها ألحين

اخوك

[سعود بن منصور القحطاني]

اخواني الخبراء
هل الحوارة تصلح في مسابقات المزايين واحد نصحي به
ورايكم عندي مهم

[خالد عبدالله السبيعي]

سعود القحطاني

مسابقات المزاين لها احتياطات كثيرة منها :

أولا الحال له دور يجب ان تكون سمين وحالها زين والشحم يزين الحاشي أو الناقة

ثانيا هناك طرق خاصة وكثيرة لتزيين الابل لدخول مسابقات المزاين

ثالثا هذه المسابقات يلعب فيها الحظ دورا كبيرا

أخي الكريم

جرب بنفسك خذها لاحدى المزاينات وشف بعينك كم تسوى

والسوق والسعر اللي تجيبه هو الحكم الفعلي بدون مجاملات

ولاتنسى أن اسعار ابل المزاين خيالية

اخوك

[عبيد راشد المنصوري]

فعلا حلوه وزينه وتحتاج منك عنايه اكثر ولاباس ان تذهب بها للمزاين بعد ان تسمن اثر ويتغير شعرها

[سعود بن منصور القحطاني]

السلام عليكم
ما سمعنا راي مبارك المري وباقي الاخوان انا شديد الحرص على رايكم وخبرتكم

[مبارك بن حسين]

سعود القحطاني

ما شاء الله تبارك الرحمن الله يبارك لك فيها

[محمد الغفراني]

السلام عليكم
ماشاء الله على الناقه وبنتها
اذا عندك طاري تبيعها ترى الشراي موجود
والله يبارك لك

[سعود بن منصور القحطاني]

ماشاء الله وصل سوم البنت وامها 16الف ريال والبكرة لوحدها بستة الاف ويعلم الله ان مالي طاري بيع ودي اظرب امها على فحل طيب واب نصيحة الاخوان
الله يرفع قدركم في الدنيا والاخرة ويبارك لكم .

[مشاري الشيباني]

الله يباركلك فيها
بكرة مزيونة وتستاهل
اذا لك خاطر في البيع بكسبك مكسب طيب

[سعود بن منصور القحطاني]

السلام عليكم
أشكر الأخوه جميعاً على مشاركتهم وإن شاء الله إذا جابت البكرة سعر طيب ببيعها وللمفاهمة 0504123962هاتف الوالد الله يخليه.

[سعود بن منصور القحطاني]

السلام عليكم
سيمت البكرة اليوم الجمعة بعد الافطار ب40الف ريال مقسطة على دفعات
للمعلومية
محبكم

[محمدالثنيان]

ماشا الله تبارك الرحمن

الزين في راسها ماعليه غبار


لكن تبي الجد البكره على قولك حالها نحيل


وتبي من يسمنها وتراها بتزين ان شا الله..


وبالنسبه للمزاينات اسمع شوري وانا اخوك


لاتروح بها للمزاينات الا بعد ماتبني شحم يعني بعد ماتسمنها وترهي عليها بالعلف


لانها بتظهر اكثر واكثر ....

[سعود بن منصور القحطاني]

مشكور اخوي محمد
وعندي سؤال هل الأفضل التسمين بالمكعبات والشوار(النخالة) او البرسيم الرطب واليابس وكيف التمر

[تركي العتيبي]

الاخ سعود القحطاني ماشاء الله البكره ماعليها طيبه بس المزاين له مواصفات كثيره انكانك تقصد المشاركه
اما لمعرفة سعرها فهذا شيء آخر.
وعلى العموم ياليت تحط رقم جوالك انكان البكره مازالت على حظك.. والله يوفقنا واياك وجميع المسلمين

[حمدان الحارثي]

البكرة مقبولة ورقبتها عنجاء ولاتطمع واجد لجاك سعر زين بع والله يرزقك ومثل ماقال الاخوان الحط يلعب دور والله يرزقك ويرزقنا

[سعود بن منصور القحطاني]

شكرا للاخوان
واخر سوم للبكرة يوم الخميس 15/10 سيمت وامها بخمسين الف للمعلومية

[سعود بن منصور القحطاني]

انا بياع ببيع البكرة فقط والله يربح البايع والمشتري

[عبدالرحمن العتيبي]

بارك الله في حلالك


ومااقووووووول الاماشااااااااااااااااااااااااااااااااااء الله

[دغيليب البقمي]

لا بغيت نصيحتي
بع الزبون لايروح عليك تراها
استوووووووووووووووتلك