الكحه

[عيسى الخصواني]

بسم الله الرحمن الرحيم

السلام عليكم رحمة الله وبركاته..

أخواني عندي ناقه من سنه ونص تقريبا جتا كحه .. وطلعت دكتور معاي وأخذ منها دم للفحص

وقالي فيها ألتهاب القصبه الهوائيه وعطاها أبر للألتهاب.. ولا جاب نتيجه ..وعقب جبت سوداني خبير

وسمها ...وبعد ما جاب نتيجه... ولقحت الناقه ولا زالت الكحه فيها ولا قدرت أعطيها أي دوا.. غير زيت السمسم

ولاحضت عليها قبل يومين.. أن حالتها تردت .. ومنعزله عن باقي الحلال.. ولا تقدر تتنفس بشكل طبيعي

وعلما بأن الكحه لازالة موجوده... وفي الليل تزيد شوي.

الله لا يهينكم من كان خبره لايبخل علينا..؟

[خالد العرجاني]

الاخ عيسى مساك اللة باالخير انا عندي ناقة لها ثلاث سنين نفس الحالة ولا خليت فيها من طب ولا راح مالها علاج قالو نحاس وقالو التهابات ولا بة فايدة وسلامتك

[عيسى الخصواني]

الله يسلمك ياخالد..

أبشرك أن الأخوان ما راح يقصرن


وراح يفيدنا ونلقى علاج للحكه إنشاء الله

[عيدالمنصورى]

ناقتك فيها التهاب
وفي هذه الحاله احيانا لاتفيد العلاجات واحيانا تفيد

[مسعود العماري]

الكحه يا تكون بسبب بكتيريا او بسبب ديدان رئوية

واللي سببها بكتيريا تعالج بالمضادات الحيوية وحتى ما تطول

لو ما عالجتها اسبوع او اسبوعين بالكثير وتزول

اما الكحه اللي تطول فصارت معي في كثير من الابل وقال لي

البيطري ان فيها ديدان رئوية وعلاجها كالتالي/

1-DEVOMYCIN

لمدة اربعة ايام متواصلة(25 مل في اللحم يوميا)

2-ابرة جرب لمرة واحدة وتعاد بعد اسبوع

واستمر معها بحبوب الدود حسب الجرعة المناسبة

والحقيقة طبقت الطريقة السابقة ولاحظت انقطاعها من ثاني يوم

وللمعلومية تلاحظ في كحة الناقة انها تجرش وتمد رقبتها كانها بتلفظ شي

وهذا مقطع صوت للكحه

http://www.9ksa.com/up1/s_thumbnailer-11-2007/9ksa_com_ztm7fxur.amr

[عبدالعزيزالشتوي التميمي]

يعطيكم العافيه على المعلومات الطيبه

[عيسى الخصواني]

الأخوان
عيد المنصوري
مسعود العماري
عبد العزيز التميمي

تسلمون على الردود...

أخوي مسعود بيض الله وجهك... وإنشاء الله راح أجرب هالطريقه.
بس أخوي أبدا العلاج ألحين ... ولا أنتظر لين تلد الناقه...؟

وتحياتي لكم جميع

[مسعود العماري]

الاخ/ عيسى

مرحبا بك

الابر اكثرها يضر اللقحات وحتى بعض الابر اللي يقولون

انها ماتضر تصعد بالبل ومنها المضاد الحيوي الترايموسين

وانا الحقيقة الوصفة السابقة ما جربتها مع لقحات

لذا الافضل ان تصبر لين تنتج الناقة وبعده استمر معه بالعلاج

اسأل الله عز وجل ان يعافيها من عنده

[عيسى الخصواني]

الأخ مسعود..الله لايهينك

وبيض الله وجهك لا عدمناك ياغالي

[حمود العطوي]

الأخ مسعود..الله لايهينك

وبيض الله وجهك لا عدمناك ياغالي