انتفاخ في وجه الناقه والخد

[فلاح الرشيدي]

السلام

اخواني واضح من العنوان اتصل علي احد الاخوان يقول فجئه نياقه تتفخ خدودها و الوجيه

الي يقدر يساعده يخوان لايقصر يعطيكم العافيه مقدما وربي يبعد عنا وعنكم شر هل الامراض

[عبدالعزيزالشتوي التميمي]

وعليكم السلام

قله يجيب بيطري في اسرع وقت لأن انتفاخات الوجه احتمال يكون مرض يؤدي الى نفوق الابل اذا لم تعالج بسرعه

[عبدالله بن مطلق المزحمي]

الاخ فلاح الرشيدي

اذا الابل ابطت وهي في ارض فيها سليج تتفخ وجيها
واذا كان خويك في ارضن فيها سليج خله يبعد عنها ايام قليله
وان شاء الله ما فيه الا كل خير

المزحمي

[فلاح الرشيدي]

والله يقول كلها تتفحت وجيها وجاره بعد

الحين بتصل عليه بيض الله وجيهكم يالربع

[فلاح الرشيدي]

يقول ماعنده سليج بالارض و يقول السليج لو ماكلته حل بطنها

مافي حل علاج مباشر وهو راح يغير المراح بس الي مر عليه مثل المرض لا يبخل علينا بالرد

[عبدالله العلي]

السلام عليكم ورحمة الله وبركاته .

اخواني ماهو السليج وش شكله او اسمه بالعاميه ..

ومشكور ين

[محسن حمد المري]

السلام عليكم

السليج نبات شوكي ينبت في اخـر الربيع ويدوم اربعة أشهر تقريبا
غـصونه تشبه ذيل الـضـب
تحبه الأبل واللقاح تردم عليه شحم اما العشاير والدق فتستدق عليه
والسلج إذا كلته الأبل تسهل عليه واللي ما تسهل يمكن تموت لأنها تنتفخ

وانا قيضت هذا العام في السلج وتنفخت وجيه الدق حتى انه غطا عيونها ما تشوف

واعطاني الطبيب لها ابر وبودره توضع في الحوض مع الماء وتـعـافـت بعد اسبوعـين

عندما يظهر نجم سهيل ويطيح المـطـر يصير شوك السليج قوي جدا ولا تاكله الأبل مطلقا

[فلاح الرشيدي]

بارك الله فيك يالمري

على طاري السليج

واحد من الجماعه ماعو راعي ابل ولا شي بس شرا ابل من برا الكويت 32ناقه والله اذكرهم وفحلهم

حطهم بالحراج يبي يبيعهم

وجا قال للسايق و كم هندي قطعو سليج ماكان يعرف اسمه بعد

وحطلهم حواض والله كل يوم حمولة ونيت لين مرضن واسهلا وحالتهن حاله و بالاخر باعهم على القصاب


بنسبه لموضوعنا المكان حق رفيجي مافيه سليج و النياق ماسهلت

[عيدالمنصورى]

الاخ فلاح
الامور واجد وقد تختلط الاعراض لكن الافضل معاينة الابل من قبل البيطري
وقياس حرارة الابل ضروري

[طالب راشد المري]

الانتفاخ اللي في وجيه الدق اذا ماكان من السليج اللي ذكروه الاخوان فقد يكون بارده وهو مرض محصور علع الدق من اللقيه وتحت وهو سريع العدوى