البعير ضرب الناقة وهي تشول وقامت وهي تشول !!

[سجلان]

السلام عليكم ورحمة الله
حي الله اعضاء المنتدى الرائع بوجودكم
مثل ذكرت بعنوان الموضوع عن شولان الناقة , وش رايكم يا اخواني
هل انتظر عشارها ولا اجيب الدكتور يدخل عليها من العش ........
انتظر ردودكم وبارك الله .

[محمد أبو الجدايل]

جيب دكتور يدخل عليها لان البعير هو الخبير ومتأكد انه الناقه هذه مهي لقحه ..

[سجلان]

لو انها لقحة ما ضربها الفحل .
الناقة عشرا

[عبدالرحمن الوهبي التميمي]

احيانا الناقة تشاول خوف واذا دحمها البعير هجت

اما اذا شوالها دايم فهي معششة وافضل لك ودها للمستشفى اذا حولك مستشفى

او جب لها طبيب جيد ينظف عنها لانها ما راح تلقح وهي معشش

[نواف النهدي]

مثل ناقه عندي اسلبت اول الصيف وتمت تشول وتعبس وعند البعير تبرك . قطعت عنها مانفع. ادخلنا عليها ونظفنا قرنتها ومالقحت . والحين على ضراب لها 13 يوم واشوفها تهدر اليوم

[سجلان]

من يعرف العلاج يا شباب ؟

[طارق الشثيلي]

انا اتصحك نصيحه توديها لمستشفى بريده فيها مصري مهو شين حالة عندي ناقه ووديتها يمه وعلمني وش بلاها وقبلي واحد قاله الافضل تبيعها والي قبله طلعت ناقته لقحه واذا لقا فيها عش نضف عنها

[سجلان]

جزاك الله خير اخوي طارق

[احمد الحربي]

غالبا تكون معشش

ولكن احيان البعير يضرب اللقحة وخااصة اذا كان اول ضراب له ( قعود )

عندي لقحة اضربها البعير وبعد شهرين وولدت ولاضرها ضراابة ولله الحمد