ماهي افضل طريقة لعسف الرحول

[خالد العرجاني]

السلام عليكم ورحمة اللة وبركاتة ارجوا من الاخوان التكرم بمعرفة افضل طريقة لعسف الرحول الجديدة التي لم تعسف من قبل ولكم جزيل الشكر

[حمدان الجهني]

السلام عليكم ورحمة الله

افضل طريقه لعسف الحشو تعرف بأسم ( صبر ايوب ) لطول فترتها حوالى 3 اشهر
1- تحله ( علاج يوجد لدى الصيدليات لتنظيف البطن ) و علفه برسيم اخضر + ناشف + شعير بس
2- تربطه وتقصر له الخطام لمدة اسبوعين بس تقوده للماء و تعلفه مكانه
3- بعد الاسبوعين تمشيه الدورة 3 كم وترده صبح و عصر لمدة اسبوعين
4- بعد الشهر تلف فيه الدورة 5 كم و درهمه اخر 2 كم لمدة اسبوع
5- بعدين درهمه 5 كم كلها و شد عليه اخر 2 كم لمدة اسبوع
6- حفزة و فحمه من 1 كم و بعد اسبوع نفس الشي ثم زيد عليه 200 متر وها كذا حتى تكمل 7 تفاحيم
8- بعد السبع تفاحيم اذا توقيته قريب من 1:45 ( حسب الميدان ) معناته الحاشي زين وسبوق و اذا توقيته بعيد لا تتعب اكثر من كذا و كنسله

والله الموفق

[محمد القاسم]

السلام عليكم ورحمة الله

8- بعد السبع تفاحيم اذا توقيته قريب من 1:45 ( حسب الميدان ) معناته الحاشي زين وسبوق و اذا توقيته بعيد لا تتعب اكثر من كذا و كنسله

والله الموفق

الاخ خالد العرجاني بارك الله فيك على الموضوع المفيد

الاخ حمدان الجهني اتمنى توضح او احد الاخوان جملة (((حسب الميدان)))؟؟؟من اي ناحية؟؟

شاكر للجيمع

[اسامة الجهني]

حسب الميدان اللي يقصده ياطويل العمر ارضية الميدان بعض الميادين ارضيتها رمل تتعب البعير

[خالد العرجاني]

الاخ حمدان والاخ محمد والاخ اسامة شاكر لكم مروركم الطيب ولا عدمناكم وبيض اللة وجيهكم

[عبدالله صنهات ال عمار]

الله يعطيك العافيه علي العلوم الطيبه
‏ ‏ سبحان الله وبحمده
‏ ‏ سبحان الله العظيم

[سامر الحربي]

مشكوووووووور اخووي خالد العرجاني ع الموضووع المفيد ..


والشكر ايضا للاخوان جميعا ماقصروا .. الله يعطيكم العافيه جميعا .. وبالتوفيق ..

[فيصل العاطفي]

الله يعطيك العافيه علي العلوم الطيبه
‏ ‏ سبحان الله وبحمده
‏ ‏ سبحان الله العظيم

[عبدالله سليمان]

بالنسبه لعسافت الذلول اول شي تخطمها بحبل نايلو
وبعدين تسويلها خيه في الارض واربط الخطام في الخيه
واقصره الخطام شي بسيط بحيث انه ما يخنقها لمده معينه يعرفها العساف
وبعدين قيدها وحاول تقودها شوي شوي الين تطاوع وهذا على ما قال الاخ حمدان الجهني
يبيلهاصبر ايوب الين تقاود وبعدين علمها على البروك نزل خطامها تحت واخخخ لها واضرب عصاك
في الارض الين تبرك خوف منك هذي العسافه مع الركوب المستمر..

تحياتي

[محمد العنبسي]

مع التحيه والتقدير لكاتب الموضوع....
ولجميع من شارك بالرد اوالاطراء.

[ظافر تميم الدوسري]

السلام عليكم
كم كمية العلف واوقاتها
وهل لازم قليصة ولا بالسياره