طول الشعفه ؟؟؟

[عايض جابر العتيبي]

السلام عليكم ورحمة الله وبركاته


الله يقويكم جميع

يا اخوان ابي استفسر عن الشعفه وطولها وكيف اخلي شعفت الناقه طويله
مثل بعض اهل المزاين تجي جلات ابلهم و اشعافها طيبه

ما هي الفيتامينات ما هي الاضافات

غير البرسيم و الشعير طبعاً انا استفسر من نوع الفيتامين او الطعام البشري او اي شيء ثاني وشكرا

[عايض جابر العتيبي]

للفايده يا اخوان

[عبدالرحمن الوهبي التميمي]

والله اخوي لو عندي علم كان رديت

لكن تراهم يسرحون الشعفة بامشاط موجودة عند محلات لوازم الحلال

ويبخون عليها بمثبت الشعر حق الحريم

شفتهم بام رقيبة يبعونه بالكراتين

واذا سرحو الشعفة رشو من البخاخ

[عايض جابر العتيبي]

يا مرحبا يا عبدالرحمن

خابر انهم يمشطون ويرتبون لاكن فيه ابل اشعافها تختلف كلياً

هل يوجد نوع من انواع الفيتامينات او علف معين

[نواف بن جندل العازمي]

مافيه شي يطول الشعفه ،،،، فقط مشط وسبريه رش ،، ويحلقون جوانب السنام

[عزيزالحميدي]

وبرة الناقة

وشعفتها

من علفها ومرا الأرض اللي فيها

ابل المزاين تعلف وتعطى فيتامينات


وتمشى

مونسينها اهلها

اهم شئ لا يكون عندك وكلة وبر