عاجل يا مطاليق افضل علاج للذراق اكرمكم الله

[حمد آل منصور]

سلام عليكم

كيف الحال يالربع عساكم بخير

عندي بكرة اصيل عمارها اقل من شهر ولها يومين اكرمكم الله تذرق ايش افضل علاج تكفون يا مطاليق

البكرة امها راعية لبن الله يبارك فيها وافضل طريقه للحفاظ عليها .

[محمد أبو الجدايل]

أمها لا تاكل الا قصب وشي بسيط اول شهر الين سنام البكرة يقوم ..

والبكرة عليك فيها بالشاهي ادا دفى شربها إياه ..

وكل ظهرية وعصرية اعطيها موية باردة تشربها ..

[محمد ابو عدوة]

اخوي حمد ذراق البكره من كثر الحليب قلل طعام أمها ولا تعطيها برسيم عطها
تبن في وجه العدو أو ذره
مع شوي شعير ونظف الديد بعد كل عطيف واسق الحواره ماء علبة أبو ريال كل يوم لين يوقف الذراق مع توصيات أخوي أبو الجدايل

[ابو علي]

علاج عن

1-الرخاوه

2- عدم الرضاعة

3- للأسهال

4- الحراره


ومجرب لسنوات عديدة

وأثبت جدارته ويعد أمن

وهو عباره عن علاج بشري يستخدم للأطفال

وهو مضاد حيوي

اسم المضاد

قمنتين رقم 312


كمية الجرعه

خمسه ملي بالفم لمدة اربع ايام

من اخونا محمد الوهبي جزاة الله خير

[حمد آل منصور]

بيض الله وجيهكم يالربع لاخلا ولا عدم

[فايز بن محمد]

وين يوجد العلاج يابو علي

[ابو علي]

عند الصيدليات البشرية

[صالح العوفي]

اخوي اذا عندك عامل طيب انصحك بالماء البارد في الصباح والمساء
من مجرب جربت ادوية اذراق افضل شيء نفع معي الماء بعد الله ونفعه يوم ويعطيك النتيجة
الادوية تعطيك فائدة لكن هذا اسرع في العلاج من مجرب