ماعلاج اكل الغزل (الصوف)

[جابر علي المري]

السلام عليكم ورحمه الله وبركاته....
من عنده خبره او مرت عليه هالحاله في الحشوان اللي تاكل الغزل
مع العلم انها شبعانه من جميع انواع الحشايش والمكعب (الغدير)

[محمد أبو الجدايل]

نوع لها في العلف حط لها ملح في كفر وخليه 24 ساعة عندها . ..

اعطيها املاح وفتيامينات من البيطري في الماء لمدة 5 أيام ..

مع العلف حط ثوم وبصل .. وان شاء الله ماتشوف شر ..

[خالد علي]

جللها و اذا الحيران واجد جلل الى تنتف وحطها فى شبك الحالها

[جابر علي المري]

يعطيكم العافيه وبيض الله وجيهكم .

[سالم محمد الدوسري]

تبي العلاج اللي انا مجربه


جب بهارات الفلفل اللي تجي حمرا بودره ورشها علی ظهور الحشوان الماكوله لاجا بياكله اخوه احرقه البهار


انا مجربها ونتيجتها طيبه

[سالم بن عبيد]

خذ الشري ( الحنظل ) وافركه مكان ما تنتف الناقه
وهذا علمك بالنتف

[سيف الهاملي]

جرب الفلفل الأسود اطحنه و انثره على ظهور الحشوان

[بركات هنيدي السلمي]

الغزل للماعز

الصوف للغنم الضان

الوبر للابل

تعلمو عيالي ماني قاعد لكم طول العمر