هل اللي بديد الناقه حضاه ؟

[احمد الحربي]

السلام عليكم

يالربع شريت ناقه طيبه بالحيل ولله الحمد
ولكن اكتشفت ان ديدها من فوق فيه مثل الطقه الصغيرة
توقعت انه خراج طايب ومنتهي ولكن شافها واحد قال هذي حضاه تذبح الديس احيان.......!!!

علما" ان الناااقه كانت خلفه وبيع ولدها

وديدها يحلب الاربع والان غرزت

افتوني في امري الله يجزاكم الجنه

هذي الصورة
http://a2.img.mobypicture.com/d66fbe1a54645d7bb9dac82e068dc29f_new_medium.jpg

[سعدالشريد]

السلام عليكم

مبروك الناقه يا اخ احمد والله يطرح فيها البركه

بحسب الصوره هذه حضاه

وليس علي كل حال انها تقتل الديس

عندي ناقه شريتها العام خلفه مصغر وجتها الحضاه وعمر بنتها شهرين

وما قتل ديدها

[احمد الحربي]

اشكرك على تفاعلك اخ سعد

وش العلاج ونااقتك كيف صار ديدها
انا اخااف الحضاه تزيد بالديد لامن تعطبه

[محمد أبو الجدايل]

اخوي احمد الحربي مو كل الابل
تنعدم ديوسها من الحضاه هذا الشي
بي أمر ربي .. انت ادا شفت في
ثأثر في الديس وقتها ابدا علاج
وسلامتك

[احمد الحربي]

الله يجزاك خير يامحمد

وش علاج الحضاه ياخوان واسبابها

اتمنى اللي عنده خبره يفيدنا

[محمد أبو الجدايل]

هذا موضوع بي فيدك اخوي احمد

سويت بحث في المواضيع القديمة وطلع لي

تفضل ..

http://www.mzayan.com/vb/showthread.php?t=24115

[محمد أبو الجدايل]

وهذه بعض المواضيع الا ممكن تفيدك أيضاً ..

http://www.mzayan.com/vb/showthread.php?t=46208

http://www.mzayan.com/vb/showthread.php?t=28151

http://www.mzayan.com/vb/showthread.php?t=51027

[مسعود العماري]

هذا مكان حضاه قديم احيانا يتجدد وأحيانا لا واحيانا يضر الديد
واذا تجدد ممكن تستخدم معه ماء الاكسجين للتنظيف باستمرار مع مضاد حيوي

[احمد الحربي]

جزاكم الله خير كلن باسمه
وبيض الله وجيهكم

[حمد آل منصور]

سلام عليكم

يالغالي كان عندي ناقه نفس مشكلتك وعلاجتها بالطريقه الثاليه

اغسله يوميا بالماء والملح وطهرة زين ورشه بالبخاخالازرق المطهر يوميا لمدة اسبوع

وان شاء الله ما تشوف الا مايسرك .
0553075398 اي استفسار تحت امرك

[احمد الحربي]

الله يبيض وجهك ياحمد ويجزاك خير
وماااحد جاء من بطن امه متعلم كلنا نجتهد والتوفيق من رب العالمين

لكن سؤالي وسامحوني اذا كلفت عليكم
الحضاه قافله ياخواني ولاتزيد ولاتنقص
كل العلاجات اللي طرحتوها بعد تنفتح اجلكم الله

يعني انتظررها تنفتح ؟؟
وش الرااي