تحليل للناقه المعشر

[محمد علي المقاطي]

السلام عليكم ورحمة الله وبركاته
اخواني اعضاء وزوار المنتدى عندي ناقه ابي
استشيركم فيها واللي عنده خبره يفيدنا جزاكم الله خير
الناقه لها ثلاثه شهور مضربنيها وعشرت وشوالها زين
بس عقلناها يوم وقامت ترغي وجاني بيطري وقال فيه تحليل
للدم يبين الناقه لقحه او لا هل فيه احد جرب التحليل
لان البيطري اخذ منها دم وقال ان الناقه ليست معشر
اللي عنده خبره او جرب الشي هاذا يفيدنا جزاه الله خير

[سعود فهد المصلوخي]

عليك السلام ورحمة الله وبركاته
اخوي محمد الناقه ليا ضاقت رغت عادي حتي لو كانت معشر
والدكاتره اكثرهم حقين بقر وتعاملون مع الناقه كنها بقره
لكن الحين وقت الضراب راح اصبر لين يصيرلها ٧ شهور وبعدين تقدر تدخل يدك في مدمنها وتلمس حوارها
ودام وقت الضراب راح مالك مصلوح فيه الحين اترك الناقه لاتعبث فيها
وعسي الله يبارك لك فيها
وسلامتك

[محمد أبو الجدايل]

مثل ما قال اخوي سعود ..

وانا سمعت في الرياض في جهاز مثل حق الحريم
يبين الحمل وهل هو حقيقي او كذب الله واعلم . . .

[احمد الحربي]

نعم يباااان بالدم اذا معشر او لا

والفحل يعرفها انا اخوك اذا شمها وطردها
معناه شم يسرة اوجسرة

وايضا يبان بالديد
والشعرة واكل الناقه


بالتوفيق

[سجلان]

كيف يتغير الناقة المعشر ؟

[مفارق ولايف]

عندنا مختبرات تفحص بالدم بعد 15 يوم من الضراب تاخذ عينه ويفحصونها ويقولون لك لقحة ولا لا
ومن الافضل يكون الفحص بعد 20 يوم