يااخوان انتفاخ في داخل رجل الحوار من فوق والقراد والقمل لاعب فيه وضعيف حاله وش الحل

[زياد بدر العصيمي]

يااخوان وروم في رجل الحوار من داخل من فوق انتفاخ من شكل الجلد والقراد والقمل لاعب فيه وضعفان وش الحل الله يجزاكم خير

[سعود فهد المصلوخي]

مرحبابك اخوي
أغسل الحوار بسم الجره ولا تكثر السم لان السم خطير غير لون الماء بس
وحاول تغسله بيديك من راسه لذيله
بأسرع وقت وخل الورم بعدين
الغسيل خله بالبراد بليل ولا العصر

[زياد بدر العصيمي]

الله يعطيك العافيه ياسعود

[محمد أبو الجدايل]

غسل الحوار بالجارة مثل ماقال اخوي سعود

وبخه بخاخ فليت .. ودقه ابرة جرب 5 سانتي

وبعد من تبخه بالبخاخ والجارة روشه بي موية عادية عشان لا تقتل الحوار

والورم ممكن يكون بسبب القراد كثر عليه سبب له خراج

لان كان عندي حوار وما انتبهت له وسار كل جسمه خراج بسبب القراد

ف سوي مثل ماقلتلك وباذن الله بطيب ..

والبنسلين في حالات الخراج والورم مفيد جداً .. وسلامتك

بس اول شي تخلص من القراد

وباذن الله بشفى حوارك

[زياد بدر العصيمي]

الله يعافيك يامحمد جزاكم الله خير