عاجل انتفاخ بطن البعير بعد العلف

[صالح العوفي]

اخواني الكرام
السلام عليكم ورحمة الله
عندي بعير من يومين اذا اكل العلف في الصباح البطن تنتفخ لدرجة اقول هذا البعير ممكن ينتهى في اي لحظة وهذا الشي
تكرر اكثر من مرة علما ان العلف هو العلف والميزان لم يتغير بعض الناس تقول من الوافي وبعضهم يقول من البرسيم
والعلف عبارة عن وافي وشعير في الليل مع بعض والبرسيم في الصباح لكن التغيير يحدث في وقت الصباح بعد اكل البرسيم
راي اهل الخبرة في ذلك
وفق الله الجميع

[سعود فهد المصلوخي]

عليك السلام ورحمة الله وبركاته
اخوي صالح اذا البعير ضعيف عادي كبر البطن خصوص ان هالوقت نهاية الهياج
واذا انت تشوف الأمر مو عادي خل الشعير بعد العصر بالبراد لان الشعير حار والجو حار
وفيه احتمال يصيبه عسر هضم الله لا يقوله
الله يبارك لك فيه

[فلاح البديوي]

وعليكم السلام ورحمه الله ...
انا من راي تختار واحد من الاثنين اما علف شعير فقط او مكعب اما خلط الاثنين فهذا مضر ويسبب تخمه .

[نواف بن جندل العازمي]

فك البعير بدون قيد وبدون هجار واذا فيه برسيم اخضر طري ممتاز