سر الثوم والجاوه والمره

[سعود فهد المصلوخي]

السلام عليكم ورحمة الله وبركاته
تحيه واحترام للجميع
اللي عنده ابل صايبها نحاز يقطع كيس ثوم ويحطه بالمشرب (حوضالماء) ويخلي البل تشرب منه لمدة ثلاث ايام وبإذن الله تسلم وهذا علا ج مجرب ومافيه شك ويوفر جهد ومال ان شاء الله
وعن الشمم واورام الديد للخلفات وبالذات حديث الولاده وأيضاً عن الجروح والاورام يجيب ربع كيلوا جاوه وربع كيلوا مره مطحونه
ويحطهن بعلبة مي صحه كبيره ام أربعه ريال وتبقا عنده يستعملها للامراض المذكوره ولو تبقا عندك شهور مافيه مشكله
وهذا علاج مجرب ويوفر عليك الخسائر الماديه وطرح البل وضرب الابر
وهذا العلاج المذكور انا مسئول عنه اذا فيه اي مضره
وأسأل الله الشافي المعافي ان ينتفع فيه مسلم
وسلامتكم
السلام عليكم وحمة الله وبركانه
انا آسف اني ماوضحت الأمر خلطت الجاوه والمره للإستعمال الخارجي فقط غسيل للديد والاورام والجروح
وشكرا للمرور والسموحه مره ثانيه

[محمد أبو الجدايل]

جزاك الله خير وبيض الله وجهك

[فلاح البديوي]

السلام عليكم ورحمة الله وبركاته
تحيه واحترام للجميع
اللي عنده ابل صايبها نحاز يقطع كيس ثوم ويحطه بالمشرب (حوضالماء) ويخلي البل تشرب منه لمدة ثلاث ايام وبإذن الله تسلم وهذا علا ج مجرب ومافيه شك ويوفر جهد ومال ان شاء الله
وعن الشمم واورام الديد للخلفات وبالذات حديث الولاده وأيضاً عن الجروح والاورام يجيب ربع كيلوا جاوه وربع كيلوا مره مطحونه
ويحطهن بعلبة مي صحه كبيره ام أربعه ريال وتبقا عنده يستعملها للامراض المذكوره ولو تبقا عندك شهور مافيه مشكله
وهذا علاج مجرب ويوفر عليك الخسائر الماديه وطرح البل وضرب الابر
وهذا العلاج المذكور انا مسئول عنه اذا فيه اي مضره
وأسأل الله الشافي المعافي ان ينتفع فيه مسلم
وسلامتكم
جزاك الله خير لاكن المره والجاوه اخلطها وصبها في حوض البل ممكن التوضيح لاهن ومشكور على النصيح الطيبه

[مسعود العماري]

المره تضر اللقحات
للعلم والاحاطة

[سعود فهد المصلوخي]

السلام عليكم وحمة الله وبركانه
انا آسف اني ماوضحت الأمر خلطت الجاوه والمره للإستعمال الخارجي فقط غسيل للديد والاورام والجروح
وشكرا للمرور والسموحه مره ثانيه

[سعود فهد المصلوخي]

السلام عليك ورحمة الله وبركاته
اخوي مسعود اذا تقدر طال عمرك إضافة التعديل للموضوع أكون ممنون
واسأل الله التوفيق للجميع

[أحمد النبهان]

جزاك الله خير

[عبدالرحمن الوهبي التميمي]

المرة لاورام الديوس ممتازة وانا مجربها اكثر من مرة

وسبق اني ذكرت تجربتي

وهي اني عندي ناقة ديسها وارم والحليب فيه دم

جبت مرة وحطيتها بعلبة ماء ام ريال وغريتها

الناقة وايضا مرة مطحون حطيت عليها ماء ودهنت ديوس الناقة

ولله الحمد طابت ولا احتجنا ابر ولا غيره

[سعود فهد المصلوخي]

السلام عليكم ورحمة الله وبركاته
صحيح اخوي عبد الرحمن لان المره اذا استعملتها للعلاج الخارجي تكون مسكن للألم ومطهر للجروح
والاستعمال الداخلي تعتبر مضاد حيوي ولاهنت علي كل حال
وشكراً اخوي احمد علي المرور وجزاك الله خير

[محمد أبو الجدايل]

المره هيه الرشاد وله انا غلطان ي اخوان .؟

[سعود فهد المصلوخي]

هلا اخوي محمد
طال عمرك المره غير الرشاد
الرشاد بذور زي السمسم صغيره ومفيده اذا تبي تنظف بطن الناقه تجرشها وتخلطها بماء وتغرها بفم الناقه
المره اكبر وانصحك اخوي محمد تمر عطار وتشوفها

[جابر ابوشهاب]

لاهنت يا بو فهد

[سعود فهد المصلوخي]

ولا انت يابو شهاب