حراره في ديس الناقه + البل ومرض الكورونا الله يكفينا شره

[زياد الحربي]

السلام عليكم ورحمه الله وبركاته

يالربع عندي خلفه اليوم حلبتها وديسها حاااار بالحيل ورشيته بماء بارد هل فيه علاج غير الماء .... عاجز اكتب موضوعين .....وبعدين اليوم جاء برنامج الثامنه وقاموا يتكلمون عن مرض الكورونا الله يكفينا شره الوكاد يقولون السبب الرئيسي البل وش صحت هالكلام يقولون ان فيه واحد توفئ وفحصوا نياقه ولقوا البل فيه هالمرض

[حمد بن عيران القريني]

بعد التحية
علاج الناقه مشها ونظف الديد من الحليب وفيه ابرة الخباش
أما مرض الكورونا العلم عند الله ومنتشر في العالم والجزء الاكبر في السعودية ووزارة الصحة مازالت تتخبط والله يشفي مرضى المسلمين ويبارك في الحلال

[عبدالرحمن الوهبي التميمي]

عندي علاج جربته اكثر من مرة

خذلك مرة من عند العطار

اطحن جزء منها واخلطه بماء وادهن ديس الناقة

والجزء الباقي حطه بعلبة موية ام ريال وصب عليه ماء

ورجه ثم غره الناقة

كمية المرة تقريبا خمسة اضاف الكمية اللي يستخدمها الادمي

وان شاء الله ما تشوف شر

[تميم الباس]

اقهر حوارها في الشبك وفكها الصبح ولاتردها للشبك الا اذا بغيت تحلبها والمساء
وخذ من البيطري ابرة خباش الديس
اما كورونا تلقاه في الابل المستوردة هذا اذا كان كلامهم صدق