ياهل النعيريه والفاضلي الوضحه اللقيه في ضيافتنا..

[حسن بن شافي]

يالربع ضوت علينا ناقه ميته من الجوع اليوم حول العشاء.. الناقه وضحه لقيه مابعد شفت وسمها الي ضايعتله ناقه لقيه وضحه يعلمني وسمها وبكره بعطيكم العلم الوكاد..

[محمد الراشد]

السلام عليكم ورحمة الله وبركاته

مساكم الله بالخير جميع واحد من الزملاء قراء اعلانك وهو ضايعه له بكره ولا عنده اشتراك بمنتدى مزاين فأنا فاعل خير لعلها تكون ناقته .

كيف حالك اخوي حسن الله يعطيك العافيه وين محل عزبتك بالظبط لان ودي امر اشوف الناقه عساها ناقتي وخذا رقم جوالي 0555900140 ابو راشد

[حسن بن شافي]

عليكم السلام يامحمد والله يمسيك بالخير والرضا

مرحبا بك في اي وقت وراح اتصل عليك عزبتنا في جو سمين جنوب مزرعة الدوسري الى قريبه من قلمة الأعمى
وليتك يامحمد علمتنا بوسمها وللعلم ترى الناقه ضاربها الجرب وعطيتها علاج الجرب ورشيناها بجاره وهي موالفه البل
وجعل ربي يعقل على راعيها ...وتراني بلغت اهل النعيريه الي من الربع يبغلون الي حولهم واهل الفاضلي والي في جو سمين..
وهذا جوالي0500338737

[حسن بن شافي]

ابشركم راعي الذاهبه الله عقلها عليه ولله الحمد