الفزعة يالنشاما

[سعيد بن سالم]

السلام عليكم ورحمة الله وبركاته

يااخوان عندي فاطر قامت عيونها تدامع وبعد كم يوم جاها غمص
ولاعاد تشوف فيها الاشي بسيط استخدمت لها غسيل للعين
ومضاد حيوي عصار واليوم وحده من عيونها راحت بيضاء
الي عنده علاج لايخليني يالنشاما ..

[احمد الشنيني]

مساك الله بالخير احرص على فيتامين ( أ )
والسكر والملح المطحون ذره في عينها وان شاء تحسن بس استمر الى ان تتعفى
وسلامتك

[سعد الذويب]

طال عمرك هاذي ضواه و علاجها طال عمرك تعال من صوب عينها اللي تدمع وادخل اصبعك في خشمها اللي من الجهة اللي تدمع تلقالك مثل الخضروف الشايخ اكسره ان حتلة باصبعك ولا هخذلك عود وكسره ويضهر الدم وتسلم انشا الله

[محمد أبو الجدايل]

مثل ما قال اخوي سعد الذويب ..
هذه أسمها ظفارة .. وتكسرها
عن طريق الانف ..

[حسين عبدالهادي]

كلام الشباب صحيح انها ظفارة بس ودي انك تعطيها في عينها بنسلين لمدة 3 أيام .. حيث من تجربة سابقة اني عالجت حالة ظفارة عندي عن طريق البنسلين فقط من دون كسرها .. ونجحت .. والله يشفي لك ناقتك ويبارك لنا ولك

[ابوشافي الشمري]

مكروليد + كوليفيت + قطرة عين بشري اوبتيزولين

[سعيد بن سالم]

بيض الله وجيهكم جميع ..

[سعد التغلبي]

السلام عليكم هناك سبب اخر للدمع يصاحبه تغير في شعرة المطية وتضعف وهو طفيليات الدم وعلاجها إبرة ترايكوين مع ترومايسين تحياتي