الحوار ماهو طبيعي

[زياد الحربي]

السلام عليكم ورحمة الله وبركاته
مساكم الله بالخير
يالربع عندي حوار فيه مشكله بيده واغلب الوقت بارك.. واذا جات حزززه الرضاع قام من مبركه ورضع وهو يرضع يده ماغير يرفعها وينزلها طول ماهو واقف.. واذا وقف يقدمم يده عن جسمه تقول مايبي يضغط عليها واذا رضع وخلص علئ طول يبرك فتشت يده مالقيت شين باين واحترت معه.. اللي عنده عللم لايبخل علينا
والذراق وش افضل علاج له لان كل بيطري يعطيني نوع قلت خلني انشدكم واشوف وش افضل نوووع

[عزيزالحميدي]

كم عمر الحوار



يا زياد

[زياد الحربي]

هلا عزيز عمر الحوار حول الشهرين

[عزيزالحميدي]

أحيانا تكون كثرة البروك بسبب المغص
والذي يؤكد ذلك عدم التخريج


...
تأكد من تخريج الحوار وتأكد من رضاعة الحوار بشكل جيد

..
في حال ان الحوار تخريجه طيب ورضاعته طيبة

..
الحرارة تسبب البروك وقلة الجهد


..

إن كان المشكلة بيد الحوار

تأكد من ان الحوار سليمة مفاصلة وان ماعضته ناقة او جمل مع العصب
فهذا يروح مثل الكدمات

وتأكد من خف الحوار من الجروح


..
وخل واحد يتأكد من الخلع

...
ان كان كل شي سليم
اسد الحوار على جنب
وشد يده بشويش لين تتأكد من روجوع كل مفصل لموقعه الأصلي
مره من عند مكان اثفنه ومره من الركبة ومره من عند الفرسن
وهكذا وهذي تحتاج خبرة







...

[زياد الحربي]

ياعزيز الحوار رضاعه شبه طبيعي الظاهر انه فيه شويكه والئ الان يضلع

[محمّد الهاجري]

السلام عليكم اخوي زياد

انا عندي حوار نفس الحالة فيه مشكلة في يده و إذا مشى يترنح و دمنه الله يكرمك طوالي و في اوله و اخره مثل راس الإبره
وش علوم حوارك و ايش العلاج اللي استخدمته معاه

الحوار عندي عمره اربع شهور تقريبا

[محمد أبو الجدايل]

السلام عليكم اخوي زياد

انا عندي حوار نفس الحالة فيه مشكلة في يده و إذا مشى يترنح و دمنه الله يكرمك طوالي و في اوله و اخره مثل راس الإبره
وش علوم حوارك و ايش العلاج اللي استخدمته معاه

الحوار عندي عمره اربع شهور تقريبا



حوارك فيه شويكة تاكد هو يتقلب يمين يسار او لا ..

ادا يتقلب هذه شويكة ..