علاج البعير الي يعض نفسه

[حمود العتيبي]

السلام عليكم ورحمه الله وبركاته

هناك الكثير من من يسال عن البعير يعض نفسه
يده ثفنته غاربه اماكن
متعدده منهم من قال حدم الرباط ومنهم من قال اثر هياج وفكه مع الابل
المشكله عندي قعود جذع يعض غاربه لدرجة انه يبرك لم يناسبني وضعه
وليس لدي حيله سوى البخاخ الازرق
والحمدلله توصلت الي علاج انشاء الله فعال

بس هامره ماني معلمكم الا بفلوس:mwalat40:

العلاج جربته ابرتين وحده مره والثانيه ثلاث مرات يوم بعد يوم طبعا بعد اكتمال العلاج مارحت للبل لي حول اسبوع بس اكلم الراعي يقول وقف عن عض نفسه ويقول بعد الجروح الي فيه جفت
طبعا انا لازم اتاكد من شفائه ميه بالميه عالشان نحكم على العلاج
انشاء الله ايام وبروح للبل واتاكد منه واصور العلاج لكم

ملاحظه
الي مارايح يطبق العلاج على الوجه المطلوب لايتعب نفسه

[طلال الروقي]

وعليكم السلاااام ورحمة الله

ننتظر التصوير والعلاج يا ذيبااااان

[حمود العتيبي]

السلام عليكم
اسف على التاخير وابشركم الحاله تلاشت والبعير ترك العض نهائيا والحمد لله واليكم العلاج ولا تنسونا من دعائكم

هذي الصوره تبين احد الجروح اثر عض البعير نفسه والحمد لله تلاشت وطابت


http://im39.gulfup.com/sMDVW.jpg


وهذا الدواء الاول 20 سم تحت الجلد مره واحده


http://im39.gulfup.com/LNQnp.jpg


النوع الثاني 10سم عشره سم فالعضل او اللحم ثلاث مرات يوم بعد يوم
الغرشه الي فوق

http://im40.gulfup.com/4Fmm4.jpg


وعلى الود نكون

[حمود العتيبي]

ياخوان اناء اواجه صعوبه في تحميل الصور
الي ماتطلع عنده يمكنه مراسلتي على الوتساب

0555105414

[محمد ابو عدوة]

مرحباً اخوي حمود والبعير ليس مريض ليشفا من الإبر هذا طبع وراح يرجع يعض في نفس المحل او غيره وهذي يكتسبها من الربطه وعندنا قعدان نفس الطبع والتلاشا مع تقدم البعير في العمر والإبل مهما تعرفت على امراضها واعراضها كل يوم تكتشف شي جديد في هذا العالم الواضح الغامض اسرار وعجائب الله في الارض .

[حمود العتيبي]

مرحباً اخوي حمود والبعير ليس مريض ليشفا من الإبر هذا طبع وراح يرجع يعض في نفس المحل او غيره وهذي يكتسبها من الربطه وعندنا قعدان نفس الطبع والتلاشا مع تقدم البعير في العمر والإبل مهما تعرفت على امراضها واعراضها كل يوم تكتشف شي جديد في هذا العالم الواضح الغامض اسرار وعجائب الله في الارض .

هلابك يامحمد

هل سبق وجربت هذا الدواء لبعير اوقعود عندك وطاب فتره ورجع يعض نفسه مثل ماتفضلت بانه يطيب فتره ويرجع يعض نفسه وعلى اي اساس قلت انه راح يرجع مره اخرى
عالشان نعتمد عدم فائدة الدواء ولايتعبون الاخوان لان ظرب البعير ابره متعب وخاصه اذا هو كبير

وبالنسبه للحاله انها تصنف مرض ام طبع وانها ليسة مرض بعد سوال عن مسببات هذه المشكله المسببه والرئيسيه هي نوع من الديدان تضع يراقاتها تحت الجلد وان علاج الجرب لوحده غير كافي للقضاء عليها

طبعا على حسب ماوصلني انا مجرد ناقل عن صديق مهتم هو الي جاب علاج الين والتفدع الي في موضوعي السابق واثيب كفائته ميه بالميه

طبعا الحاله تصيب القعدان والهرشه واعمار مختلفه

بالنسبه لكلامي من واقع تجربه وليس توقعات

القعود سنه جذع استخدمت معه الدواء وله الحين والحمدلله اسبوعين كامله وترك العاده كليا
الفتره الحاليه
والايام المقبله علمها عند الله ماندري يستمر ام يرجع على طبعه هذا تبينه الايام

وانا بتابعه واخبركم بكل جديد

الموضوع للفايده يا اخوان ولعل الله سبحانه وتعالى ينفع به لان هذا مشكله لم يوجد لها حل وتكرهك بعيرك

اتمنا من الاخوه الي جربو يعطونا وش صار معهم عالشان تعم الفايده
طبعا انا يا اخوان لست اكبركم ولا اعرفكم
والله يكتب لنا ولكم الخير

[هادي الرزقي]

جزاك الله خير وجعل ووالدينا ووالديك الجنه

[سابر بن فلاح العاطفي]

هذي من زود الربط وهي نفسية لانه يشوف اماته تسرح فيقوم يعض نفسه من القهر لابد البعير يقك من فترة الى فترة مع اماته