نبي فزعتكم يأهل البل

[عبيد بن غزلان]

عندي خلفه لها اسبوعين وحليبها قال و ثقيل كأنه لبا واكلها ماعليه بس اغلب الاحيان وهي باركه وتسدح دمنها اجلكم الله عادي

[محمد أبو الجدايل]

طيب عطيتها بنسلين .؟
غسلت ديسها بي موية باردة ؟
عطيتها ابرة هيام ؟

[مسعود العماري]

الناقة وش سنها ؟
وش وضع حاليبها السنة الماضية؟
الناقة بدين والا دقيق؟
هل أعطيتها هيام أو دود ؟
هل الناقة أسلت ؟

[عبدالله جمال العتيبي]

العلم عند الله بداية الشوكة او الشويكة

[عبيد بن غزلان]

طيب عطيتها بنسلين .؟
غسلت ديسها بي موية باردة ؟
عطيتها ابرة هيام ؟

غسلت ديسها بمويه ولافاد
واليوم عطيتها إبرة هيام

الله لايهينك و يكتب الي فيه خيره

[عبيد بن غزلان]

الناقة وش سنها ؟
وش وضع حاليبها السنة الماضية؟
الناقة بدين والا دقيق؟
هل أعطيتها هيام أو دود ؟
هل الناقة أسلت ؟


الناقة العام وفير وزين والناقه بدين وشايله شحم
إبرة الهيام عطيتها اليوم
السلا والله مدري لأني ماكنت عندها

الله لايهينك

[محمد أبو الجدايل]

اكيد رمت السلا ,, لو ما رمته كان ماتت ..

ابرة الهيام مفيدة .. وابرة البنسلين وابرة ورم الديس مفيدة ..

لان ممكن يكون فيها ورم من داخل الضرع من فوق ويكون مهو باين ..

اصبر يومين على ابرة الهيام .. واعلفها برسيم وبأذن الله تذر حليب طبيعي ..

[عبيد بن غزلان]

الله لايهينك يامعن
عطيتها إبرة الهيام وكنها تحسنت بعد الله

[محمد أبو الجدايل]

الحمدلله .. لك يارب ..