الابره البديله لابرة الذيبه

[ماجد ال سالم]

http://im36.gulfup.com/SgywY.jpg (http://www.gulfup.com/?JpDV6i)


http://im36.gulfup.com/yTknd.jpg (http://www.gulfup.com/?8nJt5E)

[ماجد ال سالم]

اخواني اسف لانقطاعي عنكم والمعذره من الجميع

الابره الاولى انقطعت من الصيدليات وهي فيتامينات زيتيه وممتازه ولا توجد في أي صيدليه باللمملكه او الخليج

الابر هذي فيتامينات مائيه وليست زيتيه وتتكون من ثلاث ابر

توضع الابر الثلاث ببرواز واحد ويدق البعير بالابره وبعد سبع ايام يكرر العمليه وبعد سبع ايام يكرر دق الابره

تعطي مفعولها بعد يومين والله يشفي حلالك لان الربع اتصلوا علي ولم يعرفوا نوع الابر البديله وترى سعرها 13.65

وصورتها فوق وسلامتكم جميع

[محمد أبو الجدايل]

جزاك الله خير اخوي وبيض الله وجهك ..

لكن الابر هذه تندق بالعضل وله وين بالضبط .؟؟

[ماجد ال سالم]

نعم بالعضل اخوي معن هزازي

[سعد الذويب]

جزاك الله خير ياماجد يعني يدق البعير في محل الابرة الاوله وثلاث مرات بدل مره واحده وشكرا

[ماجد ال سالم]

الله الله اخوي سعد

[تميم الواهبي]

مسيت بالخير يا خوي انا عندي ناقه القحه لها 9 شهور وفيها ذيبه الابره تضرها وهل هي مجربه في القحات اتمنى الرد وبسرعه الله يحييك حياة طيبه

[محمد ابو عدوة]

مرحبا ياماجد ابرتك لوله لمرض الذيبه اللي قبل كم سنه وسميناها على اسمك إبرة ماجد ماسرت احد من حلال اللي نعرفهم ونحذرك وانا اخوك من بعض الأشخاص اللي يتاجرون في الادويه ويسوون دعايه واستغلال أهل الحلال والذيبه ما لها علاج الا شي يثبت من اشخاص أهل ثقه ومن مر عليه تجربه من الاخوان فاليعرضها ( لو فيه علاج للذيبه كان شفتوا هل النخبه ما يشتكون من هذا المرض ) وما انا الا ناصح والسلام ختام ����������������������

[حسن بن شافي]

عزالله يامحمد انك صدقت نبي من الأخوان الي عالجوا اركابهم من ابرة ماجد يعلمونا بالعلم الوكاد اما نخلي حلالنا محل تجربه ونتوثم فيها ..
اما بخصوص اخوي ماجد فبيض الله وجهه وهو رجال مجتهد جعل ربي يطول عمره لكن نبي من الأشخاص الي جربوا على حلالهم ذا العلاج يعلمونا وش صار معهم وسامحوني ع الإطاله...

[راشد العبيد]

والله ياجماعه انا جربتها (الابره الاوله شريتها من الحسا)العام الماضي في ناقه عندي ولا نفعتها وذيبتها ها السنه ازود من العام والعلم عند الله

[ماجد ال سالم]

مرحبا بكم جميع والله يشفي حلال المسلمين اولا واخيرا
الابر الاولى نفعت حلالي والحمد لله لكن البعير اضرب الابل سنتين ولله الحمد الشتاء الماضي رجعت له الذيبه
ودورت الابره السابقه ( الزيتيه ) وما لقيتها ودقيته بالابره الحاليه وضرب البعير ولله الحمد
اما ثلاث من الابل اضربتها بلابره السابقه الزيتيه ولله الحمد اليومك وهي بخير لها ثلاث سنين
المهم كلموني ناس من جميع مناطق اللمملكه ومن قطر ومن الامارات والكويت وبشركم بعضهم ردلي خبر ان ابله بخير
وركابه الي ما تضرب لها سنين اضربت بفضل من الله سبحانه وتعالى وفضل الابره
وتابعوا ردود الاخوان الي جربوا الابره المهم ما علينا
اخوي محمد ابو عدوة الدعايه والاعلان لصيدليات ما حن من اهلها حن من اهل الحلال والدعوه الطيبه من اهل الحلال
تسوى الدنيا وما عليها وترى قيمة الابره 16 ريال قيمة ملبنه برسيم
انتظر من الاخوان الي جربوا الابره يفيدونا وكل هذا اجتهاد ومنفعه لاخواني وبيض وجيه الجميع

[ماجد ال سالم]

http://mzayan.com/vb/images/bsmala.png






السلام عليكم ورحمة الله وبركاته
صباح الخير - للجميع
ياجماعة الخير انا جربة الابره اللي ذكـــــــــرها اخوي ( ماجد ) الله يجـــــــزاه خير
قبل تسع ايام وابشركم بين معي علامات ان البعير 80% انها اختفت اعـــــــــراض
الذيبه من اول البعير يعتنز على رقبته ويطيح على جنبه واليوم بفضـــــــل من الله
وكرمه اشوف ان حالته طيبه جدا وبعد ذكر اخوي ( ماجد ) الابره راحت اعراض
الذيبه والله يجعلها في ميــــــــــزان حسناته وانا مـــــعكم ان نسميها ابرة ( ماجد )

[ماجد ال سالم]

هذا من اعضاء المنتدى اخونا مطلق الهاجري مجرب الابره

[ماجد ال سالم]

(ابره ماجد)

السلام عليكم ورحمة الله وبركاته
اخواني اعضاء المنتدى اسعد الله مساكم

ابشركم ابرة ماجد جربتها ونجحة 100%
عندي خلفة لها ثلاثه اشهر ماتبرك مرة الا بكل كلفه
كويناها ولا فادة تبرك على يدينها وتراوح برجليها اما طاحت والا بقت واقفه
المهم اني اطلعة على موضوع (ابره ماجد)وجربتها والحمد لله من اول دقه ثلاثه ايام وهي تبرك مع هزه
وعطيتها الثانية والحمد الله الان مع امهاته ماعلاه خلاف تبرك وتقوم والبارح دقيته احتياط

اخوي ماجد
بيض الله وجهك وجزاك الله خير ورحم الله شيبانك
والله يكتبلك الاجر

اخونا في المنتدى ناصر منصور الروقي

[ماجد ال سالم]

بيض الله وجهك وبشركم البعير الحين يضرب ومافي الا العافيه بيض الله وجهك وجعلها في ميزان حسناتك

اخونا في المنتدى بدر المغيري

[ماجد ال سالم]

هذي تجارب اخوانا بالمنتدى وليت الي جرب الابره يعطينا علومه
ابشركم ما لقيت الا الدعوه الطيبه من اخواني اهل المنتدى والدعوه الطيبه تسوى عندي الدنيا وما فيها
الاخ محمد ابو عدوة اذا عندك ابل طيبه ما جابت قيمه عشان الذيبه انا شراي لها
انتظر ردك

[ماجد ال سالم]

اخوي راشد العبيد اذا ناقتك طيبه انتاج وراس مزاين ولا جابت لك قيمه انا شراي انتظر ردك

[راشد العبيد]

يا ماجد حنا مناب في سالفة تشتري ونبيع هذي سوالف
حنا نقول ان الابره اللي جربناها ما نفعت معنا وغيرنا كل وشانه
حنا نعلمك باللي صار معنا ولا انت ملزوم انك تاخذ كلامنا اذا ما جاء على هواك

[ماجد ال سالم]

اخوي راشد العبيد اخوي محمد ابو عدوة يقول في معنى كلامة اني اسوي اعلانات على صيدليات
الله يعطي كلا على نيته والله يوفق الجميع
ونت يا راشد الله يشفي حلالك قل امين

[هادي الرزقي]

الاخ ماجد جزاه الله عنا كل خير

الرجال مجتهد واثبت تجربته في حلاله وشهد بمفعولها اعضاء في المنتدى .

والأكيد ان الحلال يختلف قوة اصابته بالمرض عن غيره حد ينفع معه وحد ماينفع معه .
بعد توفيق الله سبحانه .

[راشد العبيد]

جزاك الله خير والله يشفي حلال المسلمين اجمعين

[سعد الذويب]

يالربع انا عندي بعير ودقيته بابرة ماجد التالية ونحمد الله ونشكره من اول مايبرك ولا يثني عمره واليوم نحمداللله ونشكره لاكن ابنشدك يابو سالم النقه الي توهامعشر ندقها ولا لا

[مسعود العماري]

جزاك الله خير أخوي ماجد على خدمة الأعضاء
وبالنسبة للأعضاء اللي مانفع معهم العلاج
الحلال يختلف في إستجابته للعلاج والله الشافي
قبل كل شي ونحن نفعل الأسباب ونعتمد على الله عز وجل

وآمل من الأخوة يوافونا بالنتائج فالذيبة مرض منتشر وخاصة للحلال الغوالي

ودمتم سالمين