ابغى اشتري وايت بوز .. استفسار ..

[محمد أبو الجدايل]

السلام عليكم ورحمة الله وبركاته ..

ي أخوان ويش رأيكم في هل بوز 2012 ؟؟

هل تمدحونه وله لا ؟؟ وفي احد جربه وهو نفس القديم وله لا ؟؟

الماني تجميع ايراني بي مواصفات خليجية شوفو هذا الرابط حق الفيديو ..


https://www.youtube.com/watch?v=wo1dDXRTnMk


الحين تنصحوني اخده وله لا .. وهل الألبي أحسن منه ؟؟


ي أخوان ابغى النصحة تكفون ..

[محمد أبو الجدايل]

للرفع ي أخوان .. لو كلمة لو جبر خاطر

[عبدالرحمن الوهبي التميمي]

يا ليتك يا اخ معن تذكر اسعار هالمرسدس

[محمد أبو الجدايل]

يا ليتك يا اخ معن تذكر اسعار هالمرسدس


والله ي اخوي عبدالرحمن قريت في منتديات أخرى انه اسعاره نفس القديم .. والله واعلم ..

انا ما رحت المعرض وله شفته .. الا بهل فيديو

عشان كدا بغيت النصيحة من الرجاجيل .. الا جربوا هل نوعية ..

[محمد أبو الجدايل]

للرفع ي اخوان ..

[مشعل الشويش]

ارحب يامعن
لاتاخذه
خذ من الموديلات الأوله , خصوصاً موديلات ثمانين وفوق ,
او كان الدراهم ماتكفي خذا من موديل 75 وحول
مواتر لك وللزمن وصباره وقويه , وشيك مصدق .
تستخدمه وقيمته تزود .
..
اما السيارات اللي تهرج عنها فلا انصحك بهاا
أولاً لإنها سيارات غير مجربـه بما يكفي ليتضح استخدامها ,
ثانياً / بعض الاخوان اللي شروها اكتشفو فيها عيوب ,
..
لذلك قديمك نديمك .

[محمد أبو الجدايل]

جزاك الله خير أخوي مشعل ..

وبيض الله وجهك ..

[صالح ال مرعي]

عندي وايت 82 دبل فور صبغ وكاله نظيف

[لافي الشيباني]

اخوي معن خذ العلم البوز 2012 مثل الاول ما تغير فيه شيء واكثر من جربها ويثني عليها الجلاوي وهو راعي معدات وغني عن التعريف
واذا بغيت الشور عليك بالكتروس الدبل سكس باي سكس والله المنوة شراه واحد من الجماعة قبل خمس سنين موديل 2002 من معرض المقاطي بالرياض 200000 ريال شاص وركب عليه تانكي الجعيثن 18 طن بعشرين وهوكان بيشتري بوز سوبر 28 بـ 300000 ريال واستخار وكنت انا رافض ولكن شريت الهدى من يوم شراه ماركب فيه شيء ولا عوكس معاه يسابق الجيوب في نفوذ وهو محمل ماشاء الله والمركب مركب فكسار و الله ان افكر ابيع البوز ألي عندي واشتري مثله ولكن اسعارها مهي مثل اول طيروها الرجاجيل بعد ما جروبها

[ضاري حمد]

الأخ / لافي الشيباني

حدد نوع السياره بالضبط وفي اي المعارض متوفره وهل لها احجام

للاهميه